তেজৰ নমুনাত কৰ্কট ৰোগ চিনাক্ত কৰিবলৈ বিজ্ঞানীয়ে আৱিষ্কাৰ কৰিলে কৃত্ৰিম বুদ্ধিমত্তাৰ যন্ত্র, যাৰ ফলাফল ৯৫ শতাংশ শুদ্ধ

গুৱাহাটী, ১৫ জুন: পেনচিলভেনিয়া বিশ্ববিদ্যালয় আৰু পেনৰ পেৰেলমেন স্কুল অফ মেডিচিনৰ গৱেষকসকলৰ এক নতুন অধ্যয়ন অনুসৰি তেজৰ নমুনাৰ পৰা ওলোৱা বাষ্প শুঙি চিনাক্ত কৰিব পৰা এক গোন্ধ-আধাৰিত পৰীক্ষাই ৯৫ শতাংশ পর্যন্ত শুদ্ধতাৰ সৈতে অগ্ন্যাশয় আৰু ডিম্বাশয়ৰ কৰ্কট কোষৰ মাজত পাৰ্থক্য সমূহ উলিয়াবলৈ সক্ষম হয়। উক্ত ফলাফলবোৰত পোৱা গৈছে যে, "পেন-বিকশিত সঁজুলি (PENN)- যিয়ে তেজৰ প্লাজমা নমুনাত কোষ বোৰ নিৰ্গত কৰা উদ্বায়ী জৈৱিক যৌগ (Compound)ৰ (ভি.ও.চি.) মিশ্ৰণ বুজাবলৈ কৃত্ৰিম পদ্ধতি আৰু যন্ত্ৰৰ পৰীক্ষণসমূহ ব্যৱহাৰ কৰা হয়। 

উক্ত অধ্যয়নৰ ফলাফলসমূহ জুন মাহত অনুষ্ঠিত হোৱা বাৰ্ষিক "আমেৰিকান চছাইটি অফ ক্লিনিকেল অংকলজী"ৰ সভাত উপস্থাপন কৰা হয়। আনহাতে উক্ত সংস্থাটোৰ বিজ্ঞানী জনছনে জনায় যে, "এইটো এটা প্ৰাৰম্ভিক অধ্যয়ন কিন্তু ফলাফলবোৰ অতি আশাব্যঞ্জক। তথ্যসমূহে দেখুৱাইছে যে, উক্ত যন্ত্ৰটিয়ে টিউমাৰবোৰৰ উন্নত আৰু প্ৰাথমিক দুয়োটা পৰ্যায় চিনাক্ত কৰিব পাৰে।" পেন গৱেষণা দলে বৰ্তমান গৱেষণা আৰু সঠিক প্ৰয়োগৰ বাবে যন্ত্ৰটোৰ বাণিজ্যিকীকৰণ কৰিবলৈ ভি.ও.চি. হেল্থৰ সৈতে কাম কৰি আছে।

প্ৰযুক্তিৰ আৰ্হি চিনাক্তকৰণ পদ্ধতিটো মানুহৰ নিজৰ গোন্ধৰ অনুভূতিৰ সৈতে একে, য'ত যৌগৰ (Compound) এক পৃথক মিশ্ৰণে মগজুক অন্য গোন্ধৰ সংকেত প্ৰদান কৰে। ভি.ও.চি. হেল্থৰ মুখ্য কাৰ্যবাহী বিষয়া তথা মুখ্য উদ্ভাৱন বিষয়া ৰিচাৰ্ড প'ষ্ট্ৰেলৰ সৈতে দলটোৰ সহযোগিতাৰ ফলত যন্ত্ৰটোৰ চিনাক্তকৰণৰ গতি ২০ গুণ পৰ্যন্ত উন্নত হৈছে। বাণিজ্যিকীকৰণ প্ৰক্ৰিয়া ত্বৰান্বিত কৰিবলৈ, প'ষ্ট্ৰেলে দাবী কৰে যে "তৰল আৰু বাষ্পৰ পৰা কৰ্কট ৰোগ চিনাক্ত কৰিবলৈ সক্ষম বাণিজ্যিক সঁজুলিবোৰৰ প্ৰাৰম্ভিক প্ৰণালী সোনকালেই সাজু হৈ উঠিব।"