গুৱাহাটী, ১৫ জুন: আগন্তুক ১৮ জুন তাৰিখৰ পৰা ভাৰতত পোণপ্ৰথমবাৰৰ বাবে চিকিৎসা ড্ৰ'ন সেৱা আৰম্ভ হ'ব।এই ড্ৰ'ন সেৱা প্ৰথমে কৰ্ণাটক, তামিলনাডু, ৰাজস্থান আৰু পঞ্জাৱৰ কিছু অংশত দীৰ্ঘ-দূৰত্বলৈ ঔষধ আৰু খাদ্য বিতৰণৰ পৰীক্ষামূলক চলাচল কৰা হ'ব। চিকিৎসা সেৱাৰ সামগ্রী কঢ়িয়াই নিয়া এই ড্ৰ'নখনত পৰীক্ষামূলকভাৱে দীৰ্ঘ দূৰত্বত সম্পন্ন কৰা হ'ব, যি ২০ কিলোমিটাৰ পৰ্যন্ত উৰিব পাৰে। সেয়েহে ইয়াক প্ৰথম বেছি দূৰত্বলৈ উৰুৱাই নিয়াৰ বাবে এইখনে এনে ধৰণৰ প্ৰথম ড্ৰ'ন হিচাপে বিবেচিত হ'ব। কিয়নো ভাৰতত কেৱল ৪৫০ মিটাৰ দূৰত্বত ড্ৰ'ন উৰণৰ অনুমতি দিয়া হয়। 

তথ্য অনুসৰি, বিশ্বব্যাপী ড্ৰ'ন সেৱা প্ৰদানকাৰী এ এন আৰ এ টেকন'লজীয়ে ভাৰতীয় প্ৰযুক্তিবিদ্যা প্ৰতিষ্ঠান ৰ'পাৰ আৰু খাদ্য বিতৰণৰ বাবে 'চুইগি'ৰ সহযোগত ঔষধৰ পৰীক্ষামূলক বিতৰণ অনুষ্ঠিত কৰিব। আনহাতে নাৰায়ণ হেল্থকেয়াৰৰ সহযোগত থ্ৰটল এৰোস্পেচ আৰু দক্ষ মানৱবিহীন প্ৰণালীয়ে কৰ্ণাটকৰ গৌৰীবিদানুৰ আৰু চেন্নাইৰ বাহিৰত থিৰুভাল্লুভাৰত ঔষধৰ বিতৰণ কৰিব। ইয়াৰ বাবে প্ৰাক-পৰীক্ষণ ২১ জুনত ইয়াৰ পৰীক্ষামূলক বিমানৰ আনুষ্ঠানিক আৰম্ভণিৰ আগতে ১৮ আৰু ১৯ জুনত অনুষ্ঠিত কৰা হ'ব। 

অসামৰিক বিমান পৰিবহন সঞ্চালকালয়ে (ডিজিচিএ) ২০১৯ চনৰ মে'ত পৰীক্ষামূলক বি ভি এল অ' এছ (দৃশ্যমান ৰেখাৰ বাহিৰত) ড্ৰ'ন উৰণ পৰিচালনা কৰাৰ বাবে আগ্ৰহ দেখুওৱাৰ পৰিপ্ৰেক্ষিতত আন ৩৪ টা কোম্পানীৰ এটা সংঘই আগ্ৰহ প্ৰকাশ কৰিছিল। অৱশ্যে, স্পাইচজেট, নন্দন নিলেকানি সমৰ্থিত শ্বপএক্স, আৰু গুগল সমৰ্থিত ডুঞ্জোকে ধৰি মাত্ৰ ২০ টা কোম্পানীক প্ৰাৰম্ভিক অনুমোদন দিয়া হৈছিল বুলি জানিব পৰা গৈছে। অৱশ্যে, কেৱল এএনআৰএ, থ্ৰটল এৰ'স্পেচ আৰু দক্ষ মানৱবিহীন প্ৰণালীয়েহে চূড়ান্ত প্ৰক্ৰিয়াত আগবাঢ়িবলৈ সক্ষম হৈছে। আনহাতে, অসামৰিক বিমান পৰিবহন মন্ত্ৰালয়ৰ যুটীয়া সচিব অম্বৰ দুবেৰে জনায় যে, "অসামৰিক বিমান পৰিবহন মন্ত্ৰালয়ে এতিয়াও ৩১ ডিচেম্বৰ, ২০২১ ৰ ভিতৰত ৰাজহুৱা মতামতৰ বাবে খচৰা নিৰ্দেশনা আৰু ২০২২ চনৰ ৩১ মাৰ্চৰ চূড়ান্ত নিৰ্দেশনা সন্দৰ্ভত কোনো তথ্য প্ৰকাশ কৰা নাই।"

ইফালে, ই-কমাৰ্চমেজৰ ফ্লিপকাৰ্টে পূৰ্বে সিন্ধান্ত কৰি থৈছিল যে, "তেওঁলোকে তেলেংগানা চৰকাৰৰ সৈতে অংশীদাৰীত্ব কৰি 'মেডিচিনছ ফ্ৰম দ্য স্কাই' প্ৰকল্পৰ অধীনত দূৰৱৰ্তী অঞ্চললৈ চিকিৎসা সামগ্ৰীৰ ড্ৰ'ন বিতৰণৰ বিকাশ আৰু কাৰ্যকৰীকৰণৰ দায়িত্ব দিয়া এক পদ্ধতি প্ৰস্তুত কৰি উলিয়াইছিল।" লগতে ৱালমাৰ্টৰ মালিকানাধীন ফ্লিপকাৰ্টে ড্ৰ'ন স্থাপনসহ ভেকছিন আৰু চিকিৎসা সামগ্ৰী প্ৰদান কৰাত সক্ষম হ'ব বুলি জানিবলৈ দিয়ে। কোম্পানীয়ে শেষত জনায় যে, "উক্ত সেৱা সমূহ দেশৰ লাখ লাখ গ্ৰাহকে ফ্লিপকাৰ্টৰ দ্বাৰা বিকশিত কৰা জিঅ'মেপিং প্ৰণালীৰ সহায়ত সামগ্রী সমূহৰ অৱস্থানৰ সংকেত পৰিদৰ্শন কৰিবলৈ সক্ষম হ'ব, আৰু সামগ্রী সমূহ অতি সহজে লাভ কৰিবলৈ সক্ষম হ'ব।"