ডালিমৰ পৰাও শৰীৰত পৰিব পাৰে বিৰূপ প্ৰভাৱ; শৰীৰৰ বাবে কিয় অপকাৰী ডালিম! জানক

গুৱাহাটী, ৭ জুলাই: ডালিম ৰোগীসকলৰ লগত সুস্থ মানুহৰ বাবেও অতি উপকাৰী। ফল-মূলৰ বিপনীত আপেল, কমলা, আমৰ লগতে আটাইতকৈ ধুনীয়া ফলবিধেই হৈছে ডালিম। ডালিম বাহিৰৰ পৰা দেখিবলৈ যিমানে ধুনীয়া, ভিতৰৰ পৰাও সিমানেই ৰঙেৰে ভৰপূৰ হৈ থাকে। লগতে, ইয়াত উপলব্ধ উপাদান অতি পুষ্টিকৰ আৰু স্বাস্থ্যৰ বাবেও অতি উপযোগী। ডালিমত এণ্টিঅক্সিডেণ্ট প্ৰচুৰ পৰিমাণে পোৱা যায়, যি বহুতো ৰোগৰ বাবে উপকাৰী। 

কিন্তু কিছুমান ক্ষেত্রত ডালিম খোৱাটো স্বাস্থ্যৰ বাবে ক্ষতিকাৰক হ'ব পাৰে। 

কোন লোকে ডালিম পৰিহাৰ কৰা উচিত

এচিডিটি বা গেছৰ সমস্যা থকা লোকসকলে ডালিম বেছিকৈ খোৱাটো উচিত নহয়। ইয়াৰ কাৰণ হৈছে ডালিম ভিতৰত থকা ঠাণ্ডা ডানাবোৰ সোনকালে হজম নহয়। যাৰ ফলত খাদ্যবোৰ সঠিকভাৱে হজম হ'বলৈ সময় লাগে আৰু পেটত গেছৰ সৃষ্টি কৰে। 

নিম্ন ৰক্তচাপ থকা ৰোগীয়ে ডালিম খোৱাৰ পৰা বিৰত থাকক

সঠিক খাদ্যৰ পৰিমাণৰ অভাৱত, আজিকালি বেছিভাগ লোককে নিম্ন ৰক্তচাপত ভুগা দেখা যায়। যদি কোনো ব্যক্তিৰ নিম্ন ৰক্তচাপৰ সমস্যাত ভুগি আছে, তেন্তে সেইসকল লোকে ডালিম খোৱাৰ পৰা বিৰত থকাটোৱে উপযোগী। কিয়নো নিম্ন ৰক্তচাপ থকা ব্যক্তিয়ে ডালিম বেছিকৈ খালে ৰক্তচাপ আৰু বেছি নিম্নগামী হোৱাৰ আশংকা থাকে। লগতে ই শৰীৰৰ ক্ষতিও কৰিব পাৰে। 

কাহজনিত সমস্যা থকা ব্যক্তিয়ে ডালিম নাখাব

যদি কাৰোবাৰ কাহৰ সমস্যা আছে, ডালিম সেৱন নকৰিব। ই কাহৰ সমস্যা আৰু বৃদ্ধি কৰিব পাৰে। সেয়েহে, যদি কাৰোবাৰ কাহৰ সমস্যা আছে, ডালিমৰ পৰা আঁতৰি থকাই ভাল।

ছাল সম্পৰ্কীয় সমস্যা থকা লোকে ডালিম বেছি নাখাব

যদি কাৰোবাৰ ছাল সম্পৰ্কীয় কোনো সমস্যা থাকে, তেন্তে তেনে লোকৰ বাবে ডালিম খোৱাটো পৰিহাৰ কৰাই উচিত হ'ব। কিয়নো তেনে ব্যক্তিয়ে ডালিম সেৱন কৰিলে ছালত চোকোৰা দাগ পৰিব পাৰে, আৰু নানান খজুৱতিৰ দৰে সমস্যাই দেখা দিব পাৰে। 

এলাৰ্জি থকা লোকেও ডালিমৰ পৰা আঁতৰি থাকক

যদি কোনো ব্যক্তিয়ে এলাৰ্জিৰ দৰে সমস্যাত ভুগি থাকিবলগীয়া হৈছে তেন্তে ডালিম সেৱনৰ পৰা আঁতৰি থকাই উচিত হ'ব। অন্যথা ব্যক্তিগৰাকীৰ এলাৰ্জিৰ সমস্যা বেছি হৈ শৰীৰত বিৰূপ প্ৰভাৱ পেলাব পাৰে।