ক'ভিডৰ তৃতীয় ঢৌ দ্বিতীয়তৈ কিয় বৃহৎ হ'ব পাৰে! এইমছ সঞ্চালক ৰণদীপ গুলেৰিয়াই দাঙি ধৰিলে কাৰণ

গুৱাহাটী, ১৬ জুলাইঃ ভাৰতত ক'ভিড-১৯ মহামাৰীৰ তৃতীয় ঢৌৰ আশংকাৰ মাজতে, এইমছৰ সঞ্চালক ড০ ৰণদীপ গুলেৰিয়াই কিছু গুৰুত্বপূৰ্ণ মন্তব্য দাঙি ধৰিছে। তেখেতে আইআইটি গাণিতিক আৰ্হিৰ দ্বাৰা প্ৰক্ষেপিত এটা সম্ভাৱনা প্ৰকাশ কৰি কৈছে যে যদিহে ক'ভিডৰ তৃতীয় ঢৌ আহে, আৰু যদিহে ক'ভিডক প্ৰতিৰোধ কৰিব পৰা সকলো প্ৰতিৰোধমূলক ব্যৱস্থা উঠাই লোৱা হয়, তেন্তে পৰৱৰ্তী তৃতীয় ঢৌ দ্বিতীয় ঢৌতকৈও অধিক বিভীষিকাময় হৈ পৰিব।"

ডাঃ গুলেৰিয়াই আই.আই.টি.ক প্ৰকাশ কৰা আৰ্হিটোত দেখুৱাইছিল যে, "যদি ক'ভিডৰ পৰা ল'ব লগা সকলো প্ৰতিবন্ধকতা উঠাই লোৱা হয় আৰু যদি ভাইৰাছৰ প্ৰকাৰসমূহ ৰোগ প্ৰতিৰোধ ক্ষমতাৰ পৰা বাচিবলৈ সক্ষম হয় তেনেহ'লে পৰৱৰ্তী ঢৌ দ্বিতীয় ঢৌতকৈ অধিক ভয়ানক হ'ব। আনহাতে, যদি ক'ভিডৰ পৰা ল'ব লগা প্ৰতিবন্ধকতাসমূহ ভালদৰে পালন কৰা হয় ৰখা হয় লগতে ভাইৰাছৰ প্ৰকাৰসমূহ স্থিৰ হৈ থাকে তেনেহ'লে আক্রান্তৰ হাৰ বেছি নহ'ব।"

তৃতীয় ঢৌক কিহে অধিক শক্তিশালী কৰিব পাৰে, সেই বিষয়ে বৰ্ণনা কৰি, ডাঃ গুলেৰিয়াই তিনিটা কাৰণ তালিকাভুক্ত কৰিছিল। যাৰ ভিতৰত আছে ৰোগ প্ৰতিৰোধ ক্ষমতা হ্ৰাস হোৱা, অধিক সিঁচৰিত হ'ব পৰা প্ৰকাৰৰ উদ্ভৱ, আৰু লকডাউন শিথিলকৰণ।

ৰোগ প্ৰতিৰোধ ক্ষমতা হ্ৰাস হোৱাৰ ক্ষেত্ৰত, প্ৰাকৃতিক ৰোগ প্ৰতিৰোধ ক্ষমতা হ্ৰাস হোৱাৰ পিছত, আগতে ভাইৰাছৰ সংস্পৰ্শলৈ অহা ব্যক্তিসকলে পুনৰ সংবেদনশীল অৱস্থালৈ আহে যদিহে তেওঁলোকে ছিটাকৰণ নকৰাকৈ থাকে।

ডাঃ গুলেৰিয়াই লগতে কৈছিল যে, "আন দেশবোৰত তৃতীয় ঢৌক প্ৰতিহত কৰাৰ বাবে অধিক ভেকছিন প্ৰদান কাৰ্যসূচী চলাই নি থকা হৈছে। লগতে, চিকিৎসালয় সমূহতো আক্রান্ত ৰোগীৰ ভৰ্তি হোৱাৰ হাৰ হ্ৰাস পাইছে। তেওঁ লগতে কয় যে, "যদিহে ক'ভিডৰ আৰু নতুন প্ৰকাৰ উদ্ভৱ হয়, তেন্তে বিতং অধ্যয়নৰ পিছত উপলব্ধ ভেকছিনবোৰ সলনি কৰিব পাৰি।"