ভাৰত গৌৰৱ অসমৰ লৌহকন্যা লাভলীনা বৰগোহাঁইৰ সম্বৰ্দ্ধনা তথা সংবাদমেল অনুষ্ঠান

গুৱাহাটী, ১৩ আগষ্টঃ টকিঅ' অলিম্পিকত ভাৰতৰ হৈ ব্ৰঞ্জৰ পদক অৰ্জন কৰি দেশবাসীক গৌৰৱাম্বিত কৰা লৌহকন্যা লাভলীনা বৰগোহাঁইৰ আজি হোটেল তাজ ভিভান্টাত এক সংবাদমেলৰ আয়োজন কৰা হয়। 

উক্ত অনুষ্ঠানত পোণপ্ৰথমে অসম কন্যা লাভলীনাক অসম অলিম্পিক সন্থাৰ তৰফৰ সম্বৰ্দ্ধনা জনোৱা হয়, লগতে লাভলীনাক পুৰস্কাৰ স্বৰূপে ৩ লাখ টকা নগদ ধনৰাশি আগবঢ়োৱা হয়। ইয়াৰ ক্ৰমান্বয়ে লাভলীনাক অসম এথলেটিক সন্থা, অসম ক্ৰিকেট সন্থা, অসম হেণ্ডবল সন্থাৰ লগতে বিভিন্ন ক্ৰীড়া সন্থাৰ তৰফৰ পৰা সম্বৰ্দ্ধনা জ্ঞাপন কৰা হয়। 

লাভলীনাক সুদক্ষ বক্সাৰ হিচাপে গঢ়ি তোলা ৫ গৰাকী প্ৰশিক্ষকক অসম চৰকাৰৰ হৈ ক্ৰীড়া মন্ত্রী বিমল বৰা আৰু মুখ্যমন্ত্রী ড° হিমন্ত বিশ্ব শৰ্মাৰ সচিবে ১০ লাখ টকাকৈ চেক প্ৰদান কৰে। 

উক্ত সংবাদমেলত লৌহকন্যা লাভলীনাই টকিঅ' অলিম্পিকৰ গৌৰৱময় যাত্ৰাৰ বিষয়ে সংবাদ মাধ্যমৰ প্ৰতিনিধিসকলৰ সৈতে হোৱা প্ৰশ্নোত্তৰ শিতানত তেখেতৰ অভিজ্ঞতাৰ বিষয়ে অৱগত কৰে।