মোৰ সপোন আছিল এনে এটা মেডেল এবাৰ নিজ হাতে চুই চোৱাৰ:লাভলীনা বৰগোঁহাই

গুৱাহাটী,১৩ আগষ্ট:দিল্লী যাত্ৰাৰ পূৰ্বে শুকুৰবাৰে পুৱা গুৱাহাটীৰ হোটেল তাজ ভিভান্তাত সাংবাদিকৰ সৈতে এক বিশেষ অনুষ্ঠানত ভাগ লৈ এইদৰে মন্তব্য কৰে অসম গৌৰৱ লাভলীনা বৰগোহাঁয়ে । 

সাংবাদিক সকলৰ সৈতে মতবিনিময় কৰি তেওঁ কয়,‘‘মই বিচাৰোঁ অসমৰ শিশুসকলৰ সৈতে এটা দিন কটাবলৈ । মই অলিম্পিকত জিকি অহা মেডেলটো প্ৰতিটো শিশুকে এবাৰ চুবলৈ দিব বিচাৰোঁ।

প্ৰতিটো শিশুৱে এবাৰ স্পৰ্শ কৰক এই মেডেলটো আৰু সপোন দেখিবলৈ, আকাশ চোৱাৰ অনুশীলন কৰিবলৈ শিকক। মই যেতিয়া শিশু আছিলোঁ তেতিয়া মোৰ সপোন আছিল এনে এটা মেডেল এবাৰ নিজ হাতে চুই চোৱাৰ ।

মই অসম চৰকাৰ আৰু অসম অলিম্পিক সন্থাক অনুৰোধ কৰিছো তেনেকুৱা এক অনুষ্ঠানৰ আয়োজন কৰি দিয়ক’’ ।