গুৱাহাটী, ১৯ নৱেম্বৰঃ সাপ আৰু বৃচ্ছিকৰ দৰে বিষাক্ত জীৱৰ বিষয়ে সকলোৱে শুনিছে। কিন্তু পৃথিৱীৰ এনে এবিধ মকৰা আছে যি কাৰোবাক কামোৰিলে ১৫ মিনিটৰ ভিতৰতে মানুহজনৰ মৃত্যু হ'ব পাৰে।

অষ্ট্ৰেলিয়াৰ নিউ চাউথ ৱেলছত মেগা স্পাইডাৰ নামৰ এটা অতি বিশাল ফানেল ৱেব স্পাইডাৰ (Funnel-web spider) পোৱা গৈছে। এই মকৰাটো বিচাৰি পোৱা মানুহজনে ইয়াক দান কৰিবলৈ নিউ চাউথ ৱেলছৰ অষ্ট্ৰেলিয়ান সৰীসৃপ উদ্যানলৈ লৈ আহিছিল। 

বিশেষজ্ঞসকলেও এই মকৰাটো দেখি আচৰিত হৈছিল। অষ্ট্ৰেলিয়ান টেক্সটাইল পাৰ্কে এটা বিবৃতিত কৈছিল যে, "এই মকৰাটো ৫ ইঞ্চি ডাঙৰ আৰু ভৰি ০.৮ ইঞ্চি দীঘল যি মানুহৰ নখও বিন্ধাই ফুটা কৰিব পাৰে।"

এই মকৰাটোৰ নাম মেগা স্পাইডাৰ ৰখা হৈছে। বিজ্ঞানীসকলে কৈছে যে মকৰাটোৱে যদি ইয়াৰ বিষ মানৱ শৰীৰত এৰি দিয়ে তেন্তে মামুহজনৰ ১৫ মিনিটৰ ভিতৰত মৃত্যু হ'ব পাৰে। মকৰাটো বৰ্তমান বিষ সংগ্ৰহ কৰিবলৈ ব্যৱহাৰ কৰা হৈছে যাতে ইয়াৰ পৰা জীৱনদায়িনী ঔষধ তৈয়াৰ কৰিব পৰা যায়।