ৰোহিতে অধিনায়কত্বৰ দায়িত্ব গ্ৰহণ কৰাৰ লগে লগে টীম ইণ্ডিয়াই ৰচিলে ইতিহাস

গুৱাহাটী, ১৮ নৱেম্বৰঃ ৰোহিত শৰ্মাই টি-২০ অধিনায়ক হিচাপে তেওঁৰ প্ৰথম খন খেলত নিউজিলেণ্ডৰ বিৰুদ্ধে টীম ইণ্ডিয়াক এক সুন্দৰ বিজয়ৰ নেতৃত্ব দিছিল। বুধবাৰে জয়পুৰত অনুষ্ঠিত তিনিখন খেলৰ টি-২০ শৃংখলাত ভাৰতে নিউজিলেণ্ডক ৫ উইকেটত পৰাস্ত কৰি ১-০ৰ অগ্ৰগতি লাভ কৰে। এই জয়ৰ সৈতে, ভাৰতে বিশ্বৰ অন্যতম শক্তিশালী দল অষ্ট্ৰেলিয়াক অতিক্ৰম কৰি বিশ্ব অভিলেখ গঢ়িছে।

টীম ইণ্ডিয়াই ইতিহাস ৰচনা কৰি এক ডাঙৰ কৃতিত্ব অৰ্জন কৰিছে। বুধবাৰে নিউজিলেণ্ডৰ বিৰুদ্ধে জয়লাভ কৰাৰ লগে লগে ভাৰতীয় দলটোৱে ইয়াৰ ৫০ তম টি-২০ ফৰ্মেট জয় হোৱাৰ লক্ষ্যত উপনীত হয়। ইয়াৰ পূৰ্বে কোনো দলে এই লক্ষ্যত উপনীত হ'বলৈ সক্ষম হোৱা নাই। ইপিনে, ভাৰতৰ পিছত আছে অষ্ট্ৰেলিয়া আৰু পাকিস্তান, যিয়ে এতিয়ালৈকে টি-২০ ফৰ্মেটত ৪৯ খন মেচ জিকিছে।

ভাৰত- ৫০
অষ্ট্ৰেলিয়া- ৪৯ 
পাকিস্তান- ৪৯
ইংলেণ্ড- ৪২
দক্ষিণ আফ্ৰিকা- ৩৫
নিউজিলেণ্ড- ৩২
শ্ৰীলংকা- ৩১
ৱেষ্ট ইণ্ডিজ- ৩১
আয়াৰলেণ্ড- ২৫
নেডাৰলেণ্ড- ২৩
আফগানিস্তান- ২২
বাংলাদেশ- ২২

ইপিনে, প্ৰথমখন টি-২০ খেলত ভাৰতে নিউজিলেণ্ডক পাঁচ উইকেটত পৰাস্ত কৰি তিনিখন খেলৰ শৃংখলাত ১-০ৰ অগ্ৰগতি লাভ কৰে। ভাৰতৰ বিজয়ৰ মূল খেলুৱৈগৰাকী আছিল সূৰ্যকুমাৰ যাদৱ আৰু ৰোহিত শৰ্মা, যিয়ে ক্ৰমান্বয়ে ৬২ আৰু ৪৮ ৰাণৰ ইনিংছ খেলিছিল। সূৰ্যকুমাৰে তেওঁৰ ৪০ টা বলৰ বিপৰীতে ৬ টা চাৰি আৰু ৩ টা ছয় মাৰিছিল। আনহাতে ৰোহিতে ৩৬ টা বল খেলি ৫ টা চাৰি আৰু ২ টা ছয় মাৰিছিল।