বৰ্ধিত ৰক্তচাপ নিয়ন্ত্ৰণ কৰাত অতিকৈ কাৰ্যকৰী নৰসিংহৰ পাত, জানক ইয়াক খোৱাৰ পদ্ধতিসমূহ

গুৱাহাটী, ২২ নৱেম্বৰঃ আজিকালিৰ দিনত বৰ্ধিত মানসিক চাপ, কামৰ চাপ আৰু অনিয়মীয়া জীৱনশৈলীৰ বাবে, যুৱক-যুৱতীসকলে বহুতো স্বাস্থ্য সমস্যাত ভুগি আহিছে, যিবোৰ এসময়ত বয়স্ক সোকসকলে সন্মুখীন হ'বলগীয়া হৈছিল। ইয়াৰে এটা ৰোগ হৈছে ৰক্তচাপৰ স্তৰ বৃদ্ধি হোৱা। ইয়াক চিকিৎসা ভাষাত উচ্চ ৰক্তচাপ বুলি কোৱা হয়। 

উচ্চ ৰক্তচাপৰ সমস্যাই যুৱকসকলক ক্ৰমান্বয়ে অসুৰক্ষিত কৰি তুলিছে। এইটো এনে এক স্থিতি য'ত ধমনীবোৰত ৰক্তচাপ বৃদ্ধি হ'লে হৃদযন্ত্ৰই স্বাভাৱিকতকৈ অধিক কাম কৰিব লগা হয়। সহজ ভাষাত ক'বলৈ গ'লে, ৰক্তচাপৰ স্বাভাৱিক স্তৰ হৈছে ১২০/৮০। ৰক্তচাপৰ স্তৰ ইয়াতকৈ বেছি হ'লে এই অৱস্থাটোক উচ্চ ৰক্তচাপ বুলি কোৱা হয়। 

উচ্চ ৰক্তচাপৰ ৰোগীসকলে শীতকালত আন বহুতো সমস্যাৰ সন্মুখীন হয়। সেয়েহে, ইয়াক সময়মতে নিয়ন্ত্ৰণ কৰা প্ৰয়োজন। এই ক্ষেত্ৰত, ইয়াক নিয়ন্ত্রণত ৰাখিবলৈ নৰসিংহৰ পাত খাব পাৰে। ইয়াৰ ফলত প্ৰাকৃতিকভাৱে শৰীৰৰ বৰ্ধিত ৰক্তচাপৰ স্তৰ নিয়ন্ত্ৰণ হ'ব পাৰে। নৰসিংহৰ পাতত কেলচিয়াম, ফছফৰাছ, মেগনেছিয়াম, আইৰণ আদি উপাদান থাকে। একে সময়তে, নৰসিংহৰ পাতত পোৱা কাৰ্বজোল এলকেলইডে কলেষ্টেৰলৰ স্তৰ নিয়ন্ত্ৰণ কৰাত সহায় কৰে। ই ৰক্তচাপ হ্ৰাস কৰাতো সহায় কৰে। 

নৰসিংহৰ পাত খোৱাৰ সঠিক পদ্ধতিসমূহঃ 

১. ৰাতিপুৱা ৪-৫ টা পাত লওঁক আৰু সেইবোৰ চোবাই খাওক। 

২. তৰকাৰী, আঞ্জা অথবা বিভিন্ন ব্যঞ্জনত নৰসিংহৰ পাত যোগ দি খাব পাৰে, ই খাদ্যৰ সোৱাদ বৃদ্ধি কৰে। 

৩. নৰসিংহৰ পাতৰ পানীয়ে ৰক্তচাপ নিয়ন্ত্ৰণ কৰাত সহায় কৰিব পাৰে। ইয়াৰ বাবে, এটা চচপেনত একাপ পানী লওঁক আৰু ৪-৫ টা নৰসিংহৰ পাত দি উতলাওক। তাৰ পিছত ইয়াক ঠাণ্ডা কৰি সেৱন কৰক।

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবলৈ বিশেষজ্ঞৰ পৰামৰ্শ ল'ব।