চীনত অনুষ্ঠিত হ'ব লগীয়া শীতকালীন অলিম্পিক কূটনৈতিক ভাৱে পৰিহাৰ কৰিব আমেৰিকাই

গুৱাহাটী,২৩ নৱেম্বৰ:আগন্তুক বৰ্ষত চীনত অনুষ্ঠিত হ'ব লগীয়া শীতকালীন অলিম্পিক কূটনৈতিক ভাৱে পৰিহাৰ কৰিব পাৰে আমেৰিকাই।আমেৰিকাৰ ৰাষ্ট্ৰপতি জ’ বাইডেনে এই কথা স্পষ্ট ভাবে বিভিন্ন সংবাদ মাধ্যমৰ জৰিয়তে জনায়।চীন চৰকাৰৰ ধাৰাবাহিক মানৱ অধিকাৰ লংঘনৰ বাবেই এই সিদ্ধান্ত গ্ৰহণ কৰিবলগীয়া হ’ব পাৰে বুলি জনাইছে বাইডেনে।

কূটনৈতিক বয়কটৰ অর্থ হ’ল,আমেৰিকাৰ ক্রীড়াবিদসকলে শীতকালীন অলিম্পিকত অংশ গ্ৰহণ নকৰিব আৰু বাইডেন চৰকাৰৰ কোনো প্রতিনিধি অলিম্পিকত উপস্থিত নাথাকিব।বাইডেনৰ ঘোষণা,‘‘আমেৰিকাৰ ক্রীড়াবিদসকলক প্রভাৱিত নকৰাকৈ আমি চীনৰ অনাধিকাৰ হস্তক্ষেপৰ বিৰোধিতা কৰিম।ছিনজিংয়ায়ত উইঘুৰ মুছলিমসকলৰ মানৱ অধিকাৰ লংঘনসহ বিভিন্ন ঘটনাৰ বাবে আমি এনে পদক্ষেপ গ্ৰহণ কৰাৰ কথা ভাবিছোঁ।"

আগন্তুক ৪-২০ ফেব্ৰুৱাৰীত চীনত শীতকালীন অলিম্পিক অনুষ্ঠিত হ’ব।ৰাজধানী বেইজিঙৰ লগতে হেইবেই প্রদেশৰ ঝাংজিয়াকৌ আৰু পার্বত্য অঞ্চল ইয়াংকিঙত বিভিন্ন ক্রীড়া প্রতিযোগিতা হ’ব।বেজিঙেই একমাত্র চহৰ য’ত গ্রীষ্মকালীন আৰু শীতকালীন দুই ধৰণৰ অলিম্পিকেই অনুষ্ঠিত হ’ব।