এনে এক বিপদজনক ৰোগ, যাৰ ফলত এগৰাকী মহিলাই দিনত বমি কৰে ৭০ বাৰ

গুৱাহাটী, ২২ নৱেম্বৰঃ আজিকালিৰ জীৱনশৈলীত গুৰুতৰ ৰোগ হোৱাটো সচৰাচৰ দেখা যায়। কিন্তু কিছুমান বিৰল ৰোগ আছে যি সকলোকে আচৰিত কৰিব পাৰে। ঠিক তেনেকুৱা এক ৰোগ হৈছে গেষ্ট্ৰোপেৰাচিছ। যাৰ দ্বাৰা আক্রান্ত হোৱা এগৰাকী মহিলাই গোটেই দিনটো বমি কৰি থাকিবলগীয়া হৈছে। বোল্টনৰ ৩৯ বছৰীয়া লীন উইলিয়ান এগৰাকী গেষ্ট্ৰোপেৰাচিছ ৰোগী। এই ৰোগৰ ফলত, তেওঁৰ পেটত থকা আহাৰ প্ৰাকৃতিকভাৱে বাহিৰলৈ ওলাই যাব নোৱাৰে, কিয়নো ই আংশিকভাৱে পক্ষাঘাতগ্ৰস্ত হয়। ইয়াৰ ফলত বমিৰ জৰিয়তে হজম হোৱা খাদ্য ওলাই আহে।

২০০৮ চনত, লিনে তেওঁৰ এই ৰোগৰ বিষয়ে জানিব পাৰিছিল যেতিয়া তেওঁ গোটেই দিনটো বমি কৰি আছিল। যেতিয়া এই ৰোগটো ধৰা পৰে, পৰিস্থিতি নিয়ন্ত্ৰণ কৰিবলৈ লীনক সেই বছৰ গেষ্ট্ৰিক পেচমেকাৰ লগোৱা হৈছিল। এই পেচমেকাৰে বমি আৰু উগাৰ অহা হ্ৰাস কৰে। দুবছৰ আগতে, গেষ্ট্ৰিক পেচমেকাৰৰ বেটাৰি শেষ হৈ গৈছিল, যাৰ ফলত তেওঁৰ পেটত তীব্র বিষৰ অনুভৱ হৈছিল। আশ্চৰ্যজনকভাৱে, এই পেচমেকাৰৰ বাবে কোনো নতুন বেটাৰী নাছিল। তেনে ক্ষেত্ৰত, লিনে নতুন গেষ্ট্ৰিক পেচমেকাৰৰ বাবে পুনৰ প্ৰায় ১০ লাখ টকা ব্যয় কৰিবলগীয়া হৈছে। 

লিনে এই ৰোগ সন্দৰ্ভত কৈছিল যে, তেওঁ সৰুৰে পৰা অসুস্থ আছিল। আনকি তেওঁৰ সন্তান হোৱাৰ পাছতো এই ৰোগ নিৰমায় নহ'ল। তেওঁ যি খাইছিল বা পান কৰিছিল সকলোবোৰ বমি হৈ ওলাই আহিছিল।

লিনে আনকি তেওঁৰ অসুস্থতাৰ বাবে চাকৰি এৰিবলৈ বাধ্য হৈছিল। লীন এতিয়া অসুস্থতাৰ বাবে ঘৰত বন্দী হৈ আছে। লিনে লগতে তেওঁৰ বন্ধু অথবা পৰিয়ালৰ সদস্যসকলক লগ কৰিব পৰা নাই। তেওঁ সন্তান বা পৰিয়ালৰ সৈতে ভাল সময় অতিবাহিত কৰা নাই। লীনে এতিয়া এটা নতুন পেচমেকাৰ বেটাৰিৰ বাবে ৰাইজৰ দান-বৰঙনি বিচাৰি আছে।