দিল্লী বিধানসভাই কংগনা ৰাণাৱতৰ 'খালিস্তানি সন্ত্ৰাসবাদী' পোষ্টৰ বাবে জাৰি কৰিলে চমন

গুৱাহাটী, ২৫ নৱেম্বৰঃ দিল্লী বিধানসভাৰ শান্তি আৰু সম্প্ৰীতি সমিতিয়ে বৃহস্পতিবাৰে বলীউদৰ অভিনেত্ৰী কংগনা ৰাণাৱতক তেওঁৰ শেহতীয়া ছ'চিয়েল মিডিয়া পোষ্টৰ বাবে ৬ ডিচেম্বৰত সমিতিৰ সন্মুখত সাক্ষ্য দিবলৈ আহ্বান জনাইছিল য'ত তেওঁ কেন্দ্ৰৰ তিনিখন কৃষি আইনৰ বিৰুদ্ধে প্ৰতিবাদ কৰা কৃষকসকলক "খলিস্তানী সন্ত্ৰাসবাদী" বুলি অভিহিত কৰিছিল।

প্ৰাসংগিকভাৱে, কংগনা ৰাণাৱটৰ অফিচিয়েল ইনষ্টাগ্ৰাম একাউণ্টত প্ৰকাশ কৰা পোষ্টটো অধিক আক্ৰমণাত্মক আৰু অপমানজনক আছিল বুলি সমিতিখনে অভিযোগ কৰিছে। ইয়াৰোপৰি, 'শিখ সম্প্ৰদায়'ৰ বিৰুদ্ধে ইচ্ছাকৃতভাৱে বিৰূপ প্ৰতিক্ৰিয়া দি এনেদৰে এটা সম্প্ৰদায়ক অপমানিত কৰা বুলিও সমিতিখনে দাবী উত্থাপন কৰিছে।  

ইপিনে, কংগনাই পোষ্টটোত কোনো লোকৰ নাম উল্লেখ নকৰাকৈ ১৯৮৪ চনত ভাৰতৰ প্ৰথম মহিলা প্ৰধানমন্ত্ৰী ইন্দিৰা গান্ধী আৰু অপাৰেচন ব্লুষ্টাৰৰ বিষয়ে উল্লেখ কৰিছিল। লগতে লিখিছিল, "খালিস্তানি সন্ত্ৰাসবাদীয়ে আজি চৰকাৰৰ সিদ্ধান্ত সলনি কৰিব পাৰিছে, কিন্তু সেই মহিলাগৰাকীক পাহৰিব নালাগে, যি গৰাকী মহিলা প্ৰধানমন্ত্ৰীক আপোনালোকে জোতাৰে মোহাৰি পেলাইছিল।"

এই পোষ্টটোৱে শিখ সম্প্ৰদায়ৰ লোকসকলৰ ধৰ্মীয় আৱেগক অপৰিসীম যন্ত্ৰণা, দুখ আৰু গুৰুতৰভাৱে আঘাত কৰিছে, এনেদৰে সমগ্ৰ সম্প্ৰদায়ক অসন্মান কৰি আৰু ওপৰোক্ত সম্প্ৰদায়ৰ লোকসকলৰ জীৱন আৰু স্বাধীনতাৰ প্ৰতি ভাবুকি প্ৰৰোচিত কৰি দিল্লীৰ এনচিটিত শান্তি আৰু সম্প্ৰীতি ব্যাহত হোৱাৰ পৰিস্থিতিৰ সৃষ্টি কৰিছে বুলি সমিতিখনে অভিযোগ কৰিছে। 

ইপিনে, পদ্মশ্ৰী কংগনা ৰাণাৱটে কা' বিৰোধী আৰু কৃষি আইন বিৰোধী প্ৰতিবাদৰ বিৰুদ্ধে সামাজিক মাধ্যমত সক্ৰিয়ভাৱে প্ৰৰোচনামূলক সমল পোষ্ট কৰি আহিছে। এই বছৰৰ মে' মাহত সম্প্ৰদায়ৰ প্ৰৰোচনামূলক ভাষণৰ নিৰ্দেশনা উলংঘা কৰাৰ বাবে টুইটাৰ একাউন্ট ডিলিট কৰা হৈছিল।

আনহাতে, আম আদমী পাৰ্টিৰ (আপ) নেতা ৰাঘৱ চাধাৰ নেতৃত্বত, পৰিস্থিতি নিষ্ক্ৰিয় কৰিবলৈ আৰু ধৰ্মীয় সম্প্ৰদায়, ভাষিক সম্প্ৰদায় বা সামাজিক গোটসমূহৰ মাজত শান্তি-সম্প্ৰীতি পুনৰ ঘূৰাই অনাৰ বাবে উপযুক্ত ব্যৱস্থাৰ ওপৰত পৰামৰ্শ দিবলৈ সমিতিখন গঠন কৰা হৈছে।