এছিয়াৰ আটাইতকৈ ধনী ব্যক্তি হ'ল গৌতম আদানি,ক'ভিড-১৯ মহামাৰীৰ পিছত বৃদ্ধি হৈছিল আয়

গুৱাহাটী,২৬ নৱেম্বৰ:আদানি গ্ৰুপৰ প্ৰতিষ্ঠাপক আৰু অধ্যক্ষ গৌতম আদানীয়ে মুঠ আয়ৰ ক্ষেত্ৰত ৰিলায়েন্স ইণ্ডাষ্ট্ৰিজ লিমিটেডৰ অধ্যক্ষ মুকেশ আম্বানীক অতিক্ৰম কৰি এছিয়াৰ আটাইতকৈ ধনী ব্যক্তি পৰিগণিত হয়।

প্ৰতিবেদন অনুসৰি, এপ্ৰিল ২০২০-ৰ পৰা আদানিৰ মুঠ সম্পত্তি যথেষ্ট বৃদ্ধি পাইছে।যোৱা ২০ মাহত, গৌতম আদানিৰ মুঠ সম্পত্তি ১৮০৮ শতাংশতকৈও অধিক বৃদ্ধি পাইছে।

ক'ভিড-১৯ মহামাৰীৰ পিছত আদানিৰ সম্পদ যথেষ্ট বৃদ্ধি পাইছে।২০২০ চনৰ মাৰ্চ মাহত তেওঁৰ মুঠ সম্পত্তি আছিল প্ৰায় ৪.৯১ বিলিয়ন ডলাৰ, তেওঁৰ বৰ্তমানৰ মুঠ সম্পদ হৈছে প্ৰায় ৯০ বিলিয়ন ডলাৰ।

আদানি গ্ৰুপে আদানি এণ্টাৰপ্ৰাইজেছ, আদানি গ্ৰীণ এনাৰ্জি, আদানি পোৰ্টছ এণ্ড এছইজেড, আদানি ট্ৰেন্সমিচন, আদানি টোটেল গেছ, আৰু আদানি পাৱাৰকে ধৰি কেইবাটাও কোম্পানী পৰিচালনা কৰে।