মাথোঁ ৬ বছৰতে ১০০ কোটি অৰ্জা যুৱতী গৰাকী

গুৱাহাটী, ২৭ নৱেম্বৰঃ সকলোৱে ধনী হোৱাৰ সপোন দেখে। মানুহে ইয়াৰ বাবে দিন-ৰাতি কাম কৰি টকা উপাৰ্জন কৰে। ঠিক তেনেদৰে এগৰাকী ব্ৰিটিছ মহিলাই তেওঁৰ সফলতাৰ কাহিনী সামাজিক মাধ্যমত প্ৰচাৰ কৰিছিল আৰু তেওঁ কেনেকৈ ধনী হৈছিল বৰ্ণনা কৰিছিল। তেওঁ বৰ্ণনা কৰিছিল যে, "মই ২১ বছৰ বয়সত এটা ব্যৱসায় আৰম্ভ কৰিছিলো। এই ব্যৱসায়টো আৰম্ভ কৰাৰ ছয় বছৰ পিছত, মোৰ ১২ নিযুত ইউৰো অৰ্থাৎ ১০০ কোটিতকৈও অধিক মূল্যৰ সম্পত্তি আছে।"

সামাজিক মাধ্যমৰ এক অনুষ্ঠান টিকটকত এটা ভিডিঅ' শ্বেয়াৰ কৰি লিণ্ডাই কৈছিল যে, "যেতিয়া মই ব্যৱসায় আৰম্ভ কৰিছিলো তেতিয়া মোৰ ৫,০০,০০০ ডলাৰ অৰ্থাৎ প্ৰায় ৩.৫ কোটি টকাৰ সম্পত্তি আছিল। তাৰ পিছত মই বহু ঠাইত ধন বিনিয়োগ কৰিছিলো আৰু কাম কৰি আহিছিলোঁ৷ এনেদৰে মাত্ৰ ছয় বছৰৰ ভিতৰত মোৰ বিলিয়ন অৰ্থাৎ ১০০ কোটিতকৈও অধিক মূল্যৰ সম্পত্তি হৈছিল।"

লিণ্ডাক টিকটকত লিণ্ডাফাইনেন্স বুলি জনা যায়। তাই টিকটকত ভিডিঅ' বনাই ব্ৰিটেইনৰ মানুহক অনুপ্ৰাণিত কৰি বিনিয়োগৰ পৰামৰ্শ দিয়ে। বহুতো মানুহে তেওঁৰ পৰামৰ্শৰ পৰা বহু পৰিমাণে লাভান্বিত হৈছে। এটা পোষ্টত সফলতা উদযাপন কৰি তেওঁ কৈছিল, "যেতিয়া কোনোবাই উপলব্ধি কৰে যে তেওঁ ২১ বছৰ বয়সতে এটা ব্যৱসায় আৰম্ভ কৰিছে আৰু মাত্ৰ ২৭ বছৰ বয়সতে ১০০ কোটি টকাতকৈও অধিক মূল্যৰ সম্পত্তিৰ গৰাকী হয়, তেতিয়া তেওঁ নিজকে অত্যন্ত সুখী অনুভৱ কৰে।"

লিণ্ডাৰ পৰ্টফলিঅ'ৰ তালিকাত এতিয়া ১৮০ তকৈও অধিক গোট আছে যিটো তেওঁ ভাড়াত লৈ চলাই আহিছে। লিণ্ডাই কৈছিল, "ব্যৱসায়ৰ আটাইতকৈ ডাঙৰ ভুলবোৰৰ ভিতৰত এটা হ'ল বিনিয়োগ বজাৰ সঠিকভাৱে অধ্যয়ন নকৰা আৰু বজাৰখন বুজি নোপোৱাটো।" তেওঁ লগতে কৈছিল, "কৰবাত বিনিয়োগ কৰাৰ আগতে জ্ঞানৰ পৰিসৰ বৃদ্ধি কৰটো উচিত, লগতে নজনা বস্তুত কেতিয়াও বিনিয়োগ কৰিব নালাগে।"