এক আচৰিত দৃশ্য,যত যাত্ৰীয়ে বিমানবন্দৰত ঠেলিবলগীয়া হ'ল বিমান

গুৱাহাটী, ৪ ডিচেম্বৰঃ গাড়ীৰ ইঞ্জিন আৰম্ভ নোহোৱাত বাহনখন ঠেলা দেখিবলৈ পাওঁ। কিন্তু কোনেও হয়টো এখন বিমান বিমানবন্দৰত ঠেলা দৃশ্য দেখা নাই। কিন্তু এই অদ্ভুত কাণ্ড নেপালত সংঘটিত হৈছে, য'ত যাত্ৰীসকলে বিমানবন্দৰত এখন বিমান ঠেলি আছে। সামাজিক মাধ্যমত ভাইৰেল হৈ পৰা এটা ভিডিঅ'ত ইয়াৰ দৃশ্যাবলী দেখিবলৈ পোৱা গৈছে। য'ত মানুহে বিমানখন ঠেলি লৈ গৈ আছিল। 

এই ঘটনাটো নেপালৰ এটা বিমানবন্দৰৰ, য'ত বুধবাৰে নেপালৰ বাজুৰা বিমানবন্দৰত এখন তাৰা এয়াৰ বিমানক ঠেলি থকা দেখা গৈছিল। বিশেষ প্ৰতিবেদন অনুসৰি, বিমানবন্দৰত অৱতৰণ কৰোঁতে বিমানখনৰ পিছফালৰ টায়াৰ বিস্ফোৰিত হয়। ইয়াৰ বাবে, উৰাজাহাজখন বিমানবন্দৰৰ ৰানৱেৰ পৰা আঁতৰি যাব নোৱাৰিলে। ইয়াৰ ফলত দ্বিতীয়খন বিমান ৰানৱেত অৱতৰণ কৰাত অসুবিধা হৈছিল, কিয়নো টায়াৰ বিস্ফোৰণ হোৱা উৰাজাহাজখনে ৰানৱেক আগুৰি ধৰিছিল।

বিমানবন্দৰৰ নিৰাপত্তাৰক্ষীসকলে তেতিয়া বিমানখন আঁতৰ কৰিবলৈ ঠেলি আছিল, তেতিয়া বিমানখনৰ যাত্ৰীসকলেও তেওঁলোকৰ সৈতে সহযোগ কৰিছিল আৰু বিমানখন ঠেলিবলৈ আৰম্ভ কৰিছিল। সামাজিক মাধ্যমত ভাইৰেল হৈ থকা এই ভিডিঅ'টোত প্ৰায় ২০ জন লোক সহ নিৰাপত্তাকৰ্মীয়ে ৰানৱেৰ পৰা বিমানখন আঁতৰ কৰিবলৈ ঠেলি থকা দেখা পোৱা গৈছিল।