হেলিকপ্টাৰ দুৰ্ঘটনাত চিডিএছ বিপিন ৰাৱাটৰ মৃত্যু, কেপ্টেইন বৰুণ সিং চিকিৎসাধীন

গুৱাহাটী,৮ ডিচেম্বৰ:আজি ৰাতিপুৱা তামিলনাডুৰ নীলগিৰি জিলাত সংঘটিত হোৱা হেলিকপ্টাৰ দুৰ্ঘটনাত মৃত্যু হয় চিডিএছ বিপিন ৰাৱাটৰ।প্ৰতিবেদন অনুসৰি শীৰ্ষ প্ৰতিৰক্ষা বিষয়াসকল কুনুৰৰ ৱেলিংটন আৰ্মি চেণ্টাৰৰ এটা প্ৰশিক্ষণ শিবিৰৰ ওচৰত দুৰ্ঘটনাগ্ৰস্ত হৈছিল হেলিকপ্টাৰখন।দুৰ্ঘটনাটোত প্ৰথমে দুজন লোক নিহত হোৱা বুলি প্ৰকাশ কৰা হৈছিল কিন্তু বৰ্তমান অহা তথ্য অনুযায়ী হেলিকপ্টাৰখনত থকা ১৪ জন যাত্ৰীৰ ১৩ জনৰেই মৃত্যু হৈছে।তামিলনাডুত হেলিকপ্টাৰ দুৰ্ঘটনাত পতিত হোৱা চীফ অৱ ডিফেন্স ষ্টাফ জেনেৰেল বিপিন ৰাৱাটৰ বাস ভৱনত উপস্থিত হৈছে ভাৰতৰ প্ৰতিৰক্ষা মন্ত্ৰী ৰাজনাথ সিং।

হেলিকপ্টাৰখনত আছিল মুঠ ১৪ গৰাকী যাত্ৰী ৷ যাৰ মাজত আছিল চীফ অৱ ডিফেন্স ষ্টাফ জেনেৰেল বিপিন ৰাৱাট, তেওঁৰ পত্নী, সেনা সহায়ক, সুৰক্ষা কামাণ্ডো আৰু বায়ুসেনাৰ বিমান চালক ৷ ইয়াৰ ভিতৰত তথ্য পোৱা গৈছে চি ডি এছ জেনেৰেল বিপিন ৰাৱাট, মধুলিকা ৰাৱাট (বিপিন ৰাৱাটৰ পত্নী), ব্ৰিগেডিয়াৰ এল এছ লিড্ডাৰ, লেঃ কৰ্ণেল হৰ্জিন্দাৰ সিং, নায়ক গুৰসেৱক সিং, নায়ক জিতেন্দ্ৰ কুমাৰ, লেঞ্চ নায়ক বিবেক কুমাৰ, লেঞ্চ নায়ক বি চাই তেজা আৰু হাবিলদাৰ সতপালৰ ৷