চেনীকলত কৰ্মৰত ব্যক্তিৰ জীয়ৰীৰ সফলতা; কঠিন পৰীক্ষাত উৰ্ত্তীণ হৈ হ'ল আই এ এছ বিষয়া 

গুৱাহাটী, ১০ ডিচেম্বৰঃ ইউনিয়ন পাব্লিক চাৰ্ভিচ কমিছন (ইউ পি এছ চি) অসামৰিক সেৱা পৰীক্ষাত প্ৰতি বছৰে লাখ লাখ শিক্ষাৰ্থী অৱতীৰ্ণ হয় আৰু ইয়াৰ বাবে প্ৰস্তুতি চলাবলৈ শিক্ষাৰ্থীসকলে কঠোৰ পৰিশ্ৰম কৰে। ইয়াৰে কেৱল কেইজনমান শিক্ষাৰ্থীহে সফলতা অর্জন কৰিবলৈ সক্ষম হয়। ঠিক তেনেদৰে হাৰিয়ানাৰ ৰোহতকৰ অংকিতা চৌধুৰী, যিএখন সৰু চহৰৰ বাসিন্দা হোৱা স্বত্বেও এগৰাকী আই এ এছ বিষয়া হ'বলৈ সক্ষম হৈছিল। অংকিতা চৌধুৰীয়ে প্ৰথমতে ইউ পি এছ চি পৰীক্ষাত অনুত্তীৰ্ণ হৈছিল, কিন্তু তেওঁ হাৰ মনা নাছিল আৰু দ্বিতীয় প্ৰচেষ্টাত চতুৰ্দশ স্থান লাভ কৰি দেশৰ সকলো ছোৱালীৰ বাবে এক অনুপ্ৰেৰণাৰ উৎস হৈ পৰিছিল।

হাৰিয়ানাৰ ৰোহতক জিলাৰ বাসিন্দা অংকিতা চৌধুৰীয়ে ৰোহতকৰ সিন্ধু ৰাজহুৱা বিদ্যালয়ত প্ৰাথমিক শিক্ষা আৰম্ভ কৰিছিল। দ্বাদশ শ্ৰেণীৰ পিছত, অংকিতাই দিল্লীৰ হিন্দু মহাবিদ্যালয়ত যোগদান কৰে আৰু ৰসায়ন বিজ্ঞানত স্নাতক ডিগ্ৰী লাভ কৰে। স্নাতক পৰ্যায়ত তেওঁ ইউ পি এছ চি পৰীক্ষাত অৱতীৰ্ণ হ'বলৈ মন স্থিৰ কৰিছিল আৰু তাৰ পিছত স্নাতকোত্তৰ পৰীক্ষাত নামভৰ্তি কৰাৰ পিছত ইউ পি এছ চিৰ বাবে প্ৰস্তুতি আৰম্ভ কৰিছিল। স্নাতকোত্তৰ পৰীক্ষা সম্পূৰ্ণ নোহোৱালৈকে অংকিতা চৌধুৰীয়ে ইউ পি এছ চি অসামৰিক সেৱা পৰীক্ষাত অৱতীৰ্ণ হোৱা নাছিল। স্নাতকোত্তৰ ডিগ্ৰী সম্পূৰ্ণ কৰাৰ পিছত, অংকিতাই ইউ পি এছ চিৰ বাবে সম্পূৰ্ণৰূপে প্ৰস্তুত হৈ উঠিছিল।

ইউ পি এছ চিৰ বাবে প্ৰস্তুতি চলাই থাকোতে অংকিতা চৌধুৰীৰ মাকৰ পথ দুৰ্ঘটনাত মৃত্যু হৈছিল। অংকিতা তেওঁৰ মাকৰ মৃত্যুত হতবাক হৈ গৈছিল আৰু শোকত ভাগি পৰিছিল। অংকিতা চৌধুৰীক তেওঁৰ দেউতাকে কোনোমতে চম্ভালিছিল আৰু উৎসাহিত কৰিছিল। অংকিতাৰ দেউতাক সত্যভানক ৰোহতকৰ চেনী কলত একাউণ্টেণ্ট হিচাপে কৰ্মৰত আছিল আৰু তেওঁৰ দেউতাকৰ অনুপ্ৰেৰণাই অংকিতাক আই এ এছ হোৱাত সহায় কৰিছিল, যাৰ পিছত তেওঁ অতি নিষ্ঠাৰে ইউ পি এছ চিৰ বাবে সাজু হৈছিল।

২০১৭ চনত প্ৰথমবাৰৰ বাবে ইউ পি এছ চি পৰীক্ষাত অৱতীৰ্ণ হোৱাৰ সময়ত অংকিতা চৌধুৰী বিফল হৈছিল। তথাপিও, ভূলবোৰৰ পৰা উপলব্ধি কৰি দ্বিতীয় প্ৰচেষ্টাৰ বাবে অৱতীৰ্ণ হৈছিল। এনেদৰে, অংকিতা চৌধুৰীয়ে ২০১৮ চনত দ্বিতীয়বাৰৰ বাবে ইউ পি এছ চি পৰীক্ষাত অৱতীৰ্ণ হয় সৰ্বভাৰতীয় পৰ্যায়ত ১৪ তম স্থান লাভ কৰিছিল আৰু এজন আই এ এছ বিষয়া হোৱাৰ সপোন সাৰ্থক হৈছিল।