এতিয়াৰে পৰা ঘৰে ঘৰে লাভ কৰিব ডিজেল,ৰেপোছ এনাৰ্জিয়ে আৰম্ভ কৰিলে এক নতুন প্ৰচেষ্টা

গুৱাহাটী,১৩ ডিচেম্বৰ:ৰেপোছ এনাৰ্জি হৈছে এক নতুন ষ্টাৰ্টআপ কোম্পানী যিয়ে শেহতীয়াকৈ নিজৰ ম'বাইল পেট্ৰ'ল পাম্প মুকলি কৰিছে।এই ষ্টাৰ্টআপটোৱে টাটাৰ সমৰ্থন লাভ কৰিছে।এই কোম্পানীটোৱে ঘৰত এটা ফোনৰ জৰিয়তে ডিজেল বিতৰণ কৰিব।এই সেৱাত পেট্ৰ'ল এতিয়াও অন্তৰ্ভুক্ত কৰা হোৱা নাই।গ্ৰাহকসকলে ডিজেল অনলাইন অৰ্ডাৰ দিব আৰু ডিজেল তেওঁলোকৰ ঘৰলৈ বিতৰণ কৰা হ'ব।

কোম্পানীটোৱে শেহতীয়াকৈ ৰেপোচ ২.০ বিটা ম'বাইল পেট্ৰ'ল পাম্প মুকলি কৰাৰ কথা ঘোষণা কৰিছিল আৰু তেঁওলোকৰ সেৱা আৰম্ভ কৰিছিল। বিটাৰ ম'বাইল পেট্ৰ'ল পাম্প বৰ্তমান সমগ্ৰ দেশতে বিয়পি আছে। মোবাইল পেট্ৰ'ল পাম্পৰ বৰ্তমান ক্ষমতা হৈছে ৩০০০ লিটাৰ আৰু গ্ৰাহকে আনকি ১০০ লিটাৰ বুক কৰিব পাৰে। ইয়াৰ বাবে, গ্ৰাহকে ৰেপোছ এপ্পত অনলাইন বুকিং কৰিব লাগিব যাৰ পিছত তেওঁৰ ঘৰত ডেলিভাৰী কৰা হ'ব।

ৰেপোছ এনাৰ্জিৰ সহ-প্ৰতিষ্ঠাপক চেতন ৱালুঞ্জে চিএনবিচিক কৈছিল যে ইন্ধনৰ চাহিদা অনাগত সময়ত বৃদ্ধি পাব। ইয়াৰ বাবে, ডেলিভাৰী প্ৰণালী শক্তিশালী কৰিব লাগিব যাতে গ্ৰাহকৰ চাহিদা সময়মতে পূৰণ কৰিব পৰা যায়। সময়ৰ অপচয় পৰিহাৰ কৰি, গ্ৰাহকজনক কম সময়ৰ ভিতৰত ভালদৰে তেল পৰিৱেশন কৰাটো নিশ্চিত কৰিবলৈ তেওঁলোকে বিশেষ ভাৱে যত্ন ল'ব লাগিব। ইয়াৰ ফ্ৰেমৱৰ্ক অতি শক্তিশালী। আমি কোম্পানীৰ আধাৰ শক্তিশালী কৰিবলৈ চেষ্টা কৰিছো। এতিয়া ইন্ধনবিতৰণত বৈপ্লৱিক পৰিৱৰ্তন অনাৰ সময়।