ৰেখাৰ দুখৰে ভৰা প্ৰেমকাহিনী; এসময়ত অভিনেত্রী গৰাকীক জোতাৰে চৰ সোধাইছিল এগৰাকী মহিলাই 

গুৱাহাটী, ৯ ছেপ্টেম্বৰঃ বলীউডৰ জগতখনত কিছুমান কথা অস্বীকাৰ কৰিব নোৱাৰি কিয়নো, এই জগতখনত বহুটো বিতৰ্কৰে পৰিপূৰ্ণ ঘটনা সংঘটিত হৈ থাকে। সেয়া  ৰোমান্টিকেই হওক অথবা দুখজনক প্ৰেমকাহিনীৰ ঘটনা। 

ঠিক তেনেদৰে বলীউডৰ বিখ্যাত অভিনেত্ৰী ৰেখাই সদায় তেওঁৰ প্ৰেমৰ সম্পৰ্কৰ বাবে শিৰোনাম দখল কৰি আহিছে। বহু বছৰৰ পিছতো, ৰেখাক ভাল পোৱা যথেষ্ট অনুৰাগী আছে। ৰেখাৰ প্ৰেমৰ সম্পৰ্ক যি এসময়ত সকলোৰে দৃষ্টি আকৰ্ষণ কৰিছিল সেয়া আছিল বিনোদ মেহৰাৰ সৈতে থকা তেওঁৰ সম্পৰ্ক।

বিনোদ মেহৰাৰ ৰেখাৰ সৈতে প্ৰেমৰ সম্পর্ক থকা বুলি এটা সময়ত ব্যাপকভাৱে চৰ্চিত হৈছিল। কিন্তু অভিনেতাজনৰ পৰিয়ালে কেতিয়াও অভিনেত্ৰীগৰাকীক তেওঁৰ ঘৰৰ সদস্য হিচাপে গ্ৰহণ কৰা নাছিল। বিনোদ মেহৰাৰ মাতৃয়ে তেওঁৰ পুত্ৰৰ সৈতে ৰেখাৰ সম্পৰ্ক কেতিয়াও পছন্দ কৰা নাছিল।

বিনোদ মেহৰা আৰু ৰেখাই পৰৱৰ্তী সময়ত কলকাতাত বিবাহ পাশত আৱদ্ধ হৈছিল। তাৰ পিছত অভিনেত্ৰী ৰেখাই বিনোদ মেহৰাৰ মাতৃৰ আশীৰ্বাদ গ্ৰহণ কৰিবলৈ লগ কৰিবলৈ গৈছিল, কিন্তু বিনোদ মেহৰাৰ মাতৃয়ে চিঞৰি চিঞৰি ৰেখাক গালি পাৰি অপমানিত কৰিছিল।

লগতে বিনোদ মেহৰাৰ মাকে ৰেখাক মাৰিবলৈ পিন্ধি থকা জোতাযোৰ হাতত তুলি লৈছিল। ইপিনে, বিনোদ মেহৰাই তেওঁৰ মাকক শান্ত কৰিবলৈ যথেষ্ট চেষ্টা কৰিছিল কিন্তু বিনোদৰ মাকে অভিনেত্ৰীগৰাকীক যথেষ্ট অপমানিত কৰিছিল, যাৰ ফলত ৰেখাই হুকহুকাই কান্দিছিল। পৰৱৰ্তী সময়ত দুয়োগৰাকীয়ে পাৰস্পৰিক সন্মতিৰ সৈতে পৃথক হোৱাৰ সিদ্ধান্ত লয়। পিছত, বিনোদ মেহৰাই ১৯৮৮ চনত কিৰণক বিয়া কৰায়।