মামা-ভাগিনৰ সম্পৰ্কত ফাঁট,মামাক গোবিন্দাৰ অনুষ্ঠানত উপস্থিত নাথাকিল ভাগিন ক্ৰুষ্ণা

গুৱাহাটী,১২ ছেপ্টেম্বৰ:গোবিন্দা আৰু ক্ৰুষ্ণা অভিষেকৰ মাজৰ সম্পৰ্ক উন্নত হোৱাৰ সলনি অৱনতি হোৱাহে দেখা গৈছে।অভিনেতা গৰাকীৰ পত্নী সুনীতা আহুজাই আনকি কৈছে যে তেওঁ জীৱনত পুনৰ কেতিয়াও ভাগিনৰ মুখ চাব নিবিচাৰে। এই পৰিয়ালটোৰ মাজৰ সম্পৰ্ক সদায় ইমান বেয়া নাছিল। এই সকলোবোৰ এটা কৌতুকৰ পৰা আৰম্ভ হৈছিল আৰু আজি কথা এনে এক পৰ্যায়ত উপনীত হৈছে যে এতিয়া দুয়োটা পৰিয়াল ইজনে সিজনৰ শত্ৰু হৈ পৰিছে । গোবিন্দ আৰু ক্ৰুষ্ণাৰ মাজত যি ঘটিছিল সেয়া আনৰ বাবে এটা শিক্ষা যে কেনেকৈ এটা সৰু বস্তুৱে সম্পৰ্কবোৰ চিৰদিনৰ বাবে নষ্ট কৰিব পাৰে।

ক্ৰুষ্ণাই এটা অনুষ্ঠানৰ সময়ত কৌতুক কৰিছিল যে তেওঁ 'গোবিন্দাক তেওঁহে মামাক হিচাপে ৰাখিছিল'। এই মন্তব্যৰ পিছত গোবিন্দাই নিজেই প্ৰকাশ কৰিছিল যে তেওঁ এইটো ভাল পোৱা নাছিল আৰু ক্ৰুষ্ণাক ঘৰলৈ মাতিছিল আৰু গালি পাৰিছিল। ক্ৰুষ্ণাৰ পত্নী কাশ্মীৰা শ্বাহে তেতিয়া ২০১৮ চনত টুইট কৰি লিখিছিল 'পইচাৰ বাবে নৃত্য কৰা লোকসকল'। গোবিন্দাৰ পত্নী সুনীতাই কৈছিল যে মন্তব্যটো গোবিন্দাৰ বাবে আছিল। তাৰ পিছত, দুয়োটা পৰিয়ালৰ মাজৰ সম্পৰ্ক তিক্ত হৈ পৰে আৰু এতিয়া অভিনেতাজনৰ পত্নীয়ে স্পষ্ট কৰি দিছে যে কথাবোৰ কেতিয়াও স্বাভাৱিক নহ'ব।