এসময়ত পৃথিৱীৰ আধাতকৈও বেছি অংশত ৰাজত্ব কৰা দেশখনে বৰ্তমান ভুগিবলগীয়া হৈছে ৰেচন আৰু পানীৰ অভাৱত 

গুৱাহাটী, ১৩ ছেপ্টেম্বৰঃ এসময়ত বিশ্বৰ জনসংখ্যাৰ আধাতকৈও অধিক ঠাইত শাসন চলোৱা ব্ৰিটেইনে, বৰ্তমান দেশখনৰ লোকসকল ব্যাপকভাৱে ক্ষতিগ্ৰস্ত হৈছে। বিশ্ব অৰ্থনীতি তালিকাত, বিশ্বৰ আটাইতকৈ ধনী দেশসমূহৰ সৈতে থকা ব্ৰিটেইনৰ লোকসকলে বৰ্তমান বজাৰলৈ সামগ্রী ক্ৰয় কৰিবলৈ গৈ খালী হাতেৰে ঘূৰি আহিবলগীয়া হৈছে। বৰ্তমান দেশখনত ৰেচন আৰু পানীৰ সংকটে তীব্ৰতৰ ৰূপ লৈছে। 

দেশৰ এই পৰিস্থিতিৰ বিষয়ে, এটা বাণিজ্য সংস্থাৰ মুৰব্বীয়ে কয় যে, চুপাৰমাৰ্কেটলৈ গৈ সামগ্ৰী ক্ৰয় কৰাৰ দিন অতি সোনকালে বন্ধ হৈ পৰিব। লগতে, ফুড এণ্ড ড্ৰিংক ফেডাৰেচনৰ মুখ্য কাৰ্যবাহী ইয়ান ৰাইটৰ উল্লেখ কৰে যে, "ক্ৰেতাসকলে বৰ্তমানে বহু দিনলৈ একেৰাহে খাদ্য সামগ্ৰীৰ সংকটত ভুগিবলগীয়া হ'ব। কিন্তু, ইয়াৰ অৰ্থ এইটো নহয় যে, এই পৰিস্থিতিৰ বাবে দেশৰ জনসাধাৰণে ভোকত দিন কটাবলগীয়া হ'ব। বৰ্তমান, দেশখনৰ সৰ্ববৃহৎ বিপনী কেন্দ্ৰসমূহত অধিক হাৰত খোৱা পানী বটলৰ লগতে খাদ্য সামগ্ৰী শেষ হৈ অহাৰ খবৰ পোৱা গৈছে।"  

ইপিনে, ব্যৱসায়ীসকলে বিশ্বাস কৰে যে, এই সংকটৰ আঁৰৰ মূল কাৰণ হৈছে ট্ৰাকচালকৰ অভাৱ আৰু প্ৰায় আধা নিযুত খেতিয়কৰ অভাৱ। ইয়াৰ ফলত দেশখনৰ অত্যাবশ্যকীয় সামগ্রীৰ যোগান শৃংখলক নিৰন্তৰে প্ৰভাৱিত কৰি আছে। লগতে তেওঁলোকে উল্লেখ কৰিছে যে, দেশখনৰ বেছিভাগ মালবাহী ট্ৰাকচালক, অনলাইন বিপনী কেন্দ্র আমাজনৰ বাবে অধিক মুনাফা অৰ্জন কৰাৰ বাবে কাম কৰি আছে।