এন এইচ পি চি প্ৰকল্পৰ বিৰুদ্ধে ২২ টাকৈ সংগঠনে ৰূপায়ন কৰিব প্ৰতিবাদী কাৰ্যসূচী

গুৱাহাটী, ১৩ ছেপ্টেম্বৰঃ অৰুণাচল প্ৰদেশ আৰু অসমৰ সীমান্তত ৰাষ্ট্ৰীয় জলবিদ্যুৎ নিগমে (এন এইচ পি চি) স্থাপন কৰি থকা ২,০০০ মেগাৱাট ক্ষমতাৰ জলবিদ্যুৎ প্ৰকল্পৰ বিৰুদ্ধে আগন্তুক ২০ ছেপ্টেম্বৰ তাৰিখে অসমৰ ২২ টাতকৈও অধিক সংগঠনে যুটীয়াভাৱে প্ৰতিবাদী কাৰ্যসূচী গ্ৰহণ কৰিব। 

এই প্ৰতিবাদী কাৰ্যসূচী সন্দৰ্ভত অসম জাতীয়তাবাদী যুৱ ছাত্ৰ পৰিষদৰ নেতা পলাশ চাংমাই কয় যে, অসমৰ ২২ টাতকৈও অধিক সংগঠনে এন এইচ পি চিৰ বিৰুদ্ধে প্ৰকল্পস্থলী অৱৰোধকে ধৰি কেইবাটাও প্ৰতিবাদী কাৰ্যসূচী ৰূপায়ন কৰাৰ সিদ্ধান্ত লোৱা লৈছে।

ভাৰতীয় জনতা পাৰ্টি বিৰোধী সংগঠন অসম জাতীয়তাবাদী যুৱ ছাত্ৰ পৰিষদে শনিবাৰে এখন ৰাজহুৱা সভা আয়োজন কৰি ভূতাত্ত্বিক বিশেষজ্ঞই সুৱনশিৰি নদীৰ নিম্ন অঞ্চলসমূহৰ প্ৰতি ভাবুকি কঢ়িয়াই আনিব পৰা কেইবাটাও গুৰুত্বপূৰ্ণ কথা উল্লেখ কৰিছিল।

য'ত, পলাশ চাংমাই কৈছিল যে, "জলবিদ্যুৎ প্ৰকল্পৰ নিম্ন অঞ্চলত থকা চাৰিখন জিলাৰ ৯৬৫ খন গাওঁৰ পৰামৰ্শ অবিহনে প্ৰকল্পটোৰ কাম পুনৰ আৰম্ভ কৰা হৈছিল। অৰুণাচল প্ৰদেশৰ সৈতে সংলগ্ন পূব অসমৰ এই জিলাসমূহৰ ভিতৰত আছে বিশ্বনাথ, ধেমাজি, লখিমপুৰ আৰু মাজুলী।

ইপিনে, বৃহৎ শক্তি প্ৰকল্পটোৰ বিৰোধিতা কৰি থকা ২২ টা সংগঠনৰ ভিতৰত প্ৰভাৱশালী সংগঠনসমূহ হৈছে; সদৌ অসম ছাত্ৰ সন্থা আৰু সদৌ অসম আদিবাসী ছাত্ৰ সন্থা ইত্যাদি।