৬৪ বাহিনী এছ এছ বিৰ তৰফৰ পৰা চেনিটাইজেশ্যনৰ সামগ্ৰী বিতৰণ আৰু চিকিৎসা শিৱিৰ আয়োজন

গুৱাহাটী,১৯ ছেপ্টেম্বৰ: এছ এছ বিৰ ৬৪ বাহিনীয়ে বৰমা (হাউলী)ৰ অন্তৰ্গত শান্তিপুৰ গাঁৱত ক'ভিড মহামাৰীৰ সময়ত অৰ্থনৈতিকভাৱে বিধ্বস্ত হোৱা ৭০ টা পৰিয়ালক চেনিটাইজেশ্যন কিট যেনে ডেটল,  হেণ্ডৱাশ্ব ,চাবোন, মাস্কৰ দৰে সামগ্রী বিতৰণ কৰাৰ লগতে অসুস্থ নাগৰিকক বিনামূল্যে ঔষধ প্ৰদান কৰে।

৬৪ বাহিনী এছ এছ বিৰ অধিনায়ক নন্দ কিশোৰ টামাতে এই সামগ্রী বিতৰণৰ অনুষ্ঠানত কয় যে নাগৰিকৰ সুৰক্ষা দিয়াৰ লগতে গাঁৱৰ মানুহৰ বাবে প্ৰয়োজনীয় সকলো বস্তুৱেই উপলব্ধ কৰিবলৈ তেওঁলোকে যথা সম্ভৱ চেষ্টা কৰিব।উক্ত অনুষ্ঠানত ২০০ জোপা গছ পুলিও বিতৰণ কৰা হয়।

এই কাৰ্য্যক্ৰমত সেনানায়ক নন্দ কিশোৰ টামাত, উপ সেনানায়ক সন্দীপ পুনিয়াৰ লগতে সহায়ক সেনানায়ক প্ৰেম কুমাৰ আৰু চিকিৎসক অনুপ কুমাৰ দাস আৰু গাওঁ বুঢ়াৰ লগতে গাঁৱৰ সকলো লোক উপস্থিত আছিল।