অপ্ৰতিৰোধ্য প্ৰধানমন্ত্ৰী নৰেন্দ্ৰ মোদী,আমেৰিকাত ৬৫ ঘণ্টাত ভাগ ল'লে ২৪ খনকৈ গুৰুত্বপূৰ্ণ বৈঠকত

গুৱাহাটী,২৭ ছেপ্টেম্বৰ:প্ৰধানমন্ত্ৰী নৰেন্দ্ৰ মোদীৰ তিনিদিনীয়া আমেৰিকা ভ্ৰমণ অন্ত পৰাৰ লগে লগে ব্যস্ততাৰে ভৰা সময়সূচীক লৈ হৈছে তীব্ৰ চৰ্চা।মাৰ্কিন যুকতৰাষ্ট্ৰত অতিবাহিত কৰা প্ৰায় ৬৫ ঘণ্টাৰ সময়ছোৱাত তেওঁ ২৪ খনৰো অধিক বৈঠকত অংশগ্ৰহন কৰে।

প্ৰধানমন্ত্ৰী গৰাকীয়ে আমেৰিকালৈ অহা-যোৱা কৰাৰ পথত চাৰিখনকৈ দীঘলীয়া বৈঠকত অংশগ্ৰহণ কৰিছিল।বুধবাৰে আমেৰিকালৈ যোৱাৰ পথত দুখন আৰু হোটেলত উপস্থিত হৈ তিনিখন বৈঠক অনুষ্ঠিত কৰিছিল।

২৩ ছেপ্টেম্বৰত তেওঁ বহুতো প্ৰতিষ্ঠানৰ মুখ্য কাৰ্যবাহী বিষয়াৰ সৈতে পাঁচখনকৈ বৈঠকত অংশগ্ৰহণ কৰিছিল আৰু তাৰ পিছত আমেৰিকা যুক্তৰাষ্ট্ৰৰ উপ-ৰাষ্ট্ৰপতি কমলা হেৰিছৰ সৈতে এক আলোচনাত মিলিত হয় তাৰপিছত তেওঁ জাপানৰ প্ৰধানমন্ত্ৰী ইয়োশিহিদে চুগা আৰু অষ্ট্ৰেলিয়াৰ প্ৰধানমন্ত্ৰী স্কট মৰিছনৰ সৈতেও দ্বিপাক্ষিক বাৰ্তালাপত অংশগ্ৰহন কৰে। 

পিছদিনা আমেৰিকা যুক্তৰাষ্ট্ৰৰ ৰাষ্ট্ৰপতি জ' বিডেনৰ সৈতে তেওঁ দ্বিপাক্ষিক বৈঠকত অংশগ্ৰহণ কৰিছিল আৰু তাৰ পিছত কোৱাডৰ বৈঠকত অংশ লৈছিল। l২৫ ছেপ্টেম্বৰত মোডীয়ে আমেৰিকা যুক্তৰাষ্ট্ৰৰ পৰা ভাৰতলৈ ৰাওনা হোৱাৰ সময়ত, তেওঁ উভতি অহা বিমানখনত দুখনকৈ বৈঠকত অংশগ্ৰহন কৰিছিল।