মধুমেহ ৰোগীসকলে এইদৰে গ্ৰহণ কৰক আমলখি; ৰক্ত শৰ্কৰা স্তৰ সদায়ে থাকিব নিয়ন্ত্ৰণত

গুৱাহাটী, ২৯ ছেপ্টেম্বৰঃ যিকোনো ৰোগে স্বাস্থ্যৰ ওপৰত বিৰূপ প্ৰভাৱ পেলাব পাৰে। যেতিয়া আপুনি অসাৱধান হয় তেতিয়া এই প্ৰভাৱ আৰু অধিক বৃদ্ধি হয়। বেছিভাগ ৰোগ দুৰ্বল জীৱনশৈলী আৰু আহাৰৰ ফলত হয়। ইয়াৰে এটা ৰোগ হৈছে মধুমেহ বা ডায়েবেটিচ।

এই ৰোগত আক্ৰান্ত ব্যক্তি এজনে তেওঁৰ স্বাস্থ্যৰ বিষয়ে সাৱধান হোৱা উচিত। আনকি সামান্য অসাৱধানতাও তেওঁলোকৰ স্বাস্থ্যৰ বাবে ক্ষতিকাৰক হ'ব পাৰে। চিকিৎসকৰ পৰামৰ্শ লোৱাৰ উপৰিও, মধুমেহ ৰোগীয়ে কিছুমান ঘৰুৱা প্ৰতিকাৰ ব্যৱহাৰ কৰি ৰোগটোৰ পৰা সকাহ পাব পাৰে। 

ৰক্ত শৰ্কৰাৰ স্তৰ নিয়ন্ত্ৰণত কৰক আমলখিৰেঃ

আমলখি স্বাস্থ্যৰ বাবে অতিকৈ উপকাৰী। ই ৰক্ত শৰ্কৰাৰ স্তৰ নিয়ন্ত্ৰণত ৰখাত আৰু আহাৰৰ গ্ৰহণ কৰাৰ পিছত ৰক্ত শৰ্কৰাৰ স্তৰ বৃদ্ধি প্ৰতিহত কৰাত সহায় কৰে। আমলখিত ক্ৰমিয়াম থাকে। যিয়ে শৰীৰত ইনচুলিন উৎপাদনত সহায় কৰে। যাতে ৰক্ত শৰ্কৰাৰ স্তৰ নিয়ন্ত্ৰণত থাকে।

মধুমেহ ৰোগীয়ে এনেদৰে আমলখি ব্যৱহাৰ কৰকঃ

মধুমেহ ৰোগীয়ে ৰক্ত শৰ্কৰাৰ স্তৰ নিয়ন্ত্ৰণ কৰি ৰাখিবলৈ বিভিন্ন ধৰণে আমলখি ব্যৱহাৰ কৰিব পাৰে।

• দৈনিক আমলখিৰ ৰস খাব

আপুনি সহজে বজাৰত আমলখি গুৰি  পাব। এচামুচ আমলখি গুৰি লওক আৰু ইয়াক দৈনিক পানীৰ সৈতে মিহলাই খাওক।

 • আমলখি সেৱন কৰাৰ অন্যান্য লাভালাভসমূহঃ

১. এচিডিটি সমস্যাৰ পৰা সকাহ দিয়ে

২. এপেণ্ডিচাইটিছৰ সমস্যাতো আমলখি কাৰ্যকৰী

৩. শৰীৰত হিমোগ্লোবিনৰ অভাৱ আঁতৰ কৰাত কাৰ্যকৰী

৪. ওজন হ্ৰাস কৰাত সহায় কৰে

৫. ছাল স্বাস্থ্যৱান কৰি ৰাখে

বিঃদ্রঃ- এই নিবন্ধটোৰ তথ্যখিনি বিভিন্ন উৎসৰ পৰা সংগৃহীত আৰু প্ৰাথমিক জ্ঞান হিচাপে পঢ়ুৱৈলৈ আগবঢ়োৱা হৈছে। বিশদভাৱে জানিবৰ বাবে বিশেষজ্ঞৰ পৰামৰ্শ ল’ব।