৩০ অক্টোবৰত ৩ খন লোকসভা আৰু ৩০ খন বিধানসভা আসনৰ উপনিৰ্বাচনৰ দিন ধাৰ্য্য

গুৱাহাটী, ২৮ ছেপ্টেম্বৰঃ ভাৰতৰ নিৰ্বাচন আয়োগে মঙলবাৰে বিভিন্ন ৰাজ্যৰ ৩খন লোকসভা আৰু ৩০ খন বিধানসভা আসনৰ উপনিৰ্বাচনৰ সময়সূচী ঘোষণা কৰে। ইয়াৰ লগতে উপনিৰ্বাচনৰ ভোটগণনা ২ নৱেম্বৰত অনুষ্ঠিত হ'ব বুলিও জানিবলৈ দিয়ে। 

অন্ধ্ৰ প্ৰদেশ, হাৰিয়ানা, হিমাচল প্ৰদেশ, কৰ্ণাটক, মধ্য প্ৰদেশ, মহাৰাষ্ট্ৰ, মেঘালয়, মিজোৰাম, নাগালেণ্ড, ৰাজস্থান, তেলেংগানা আৰু মধ্য প্ৰদেশৰ হিমাচল প্ৰদেশৰ দাদৰা আৰু নগৰ হাভেলি আৰু দমন আৰু দিউ ৰ সংসদীয় সমষ্টিৰ বিধানসভা সমষ্টিৰ বাবে, মনোনয়নৰ অন্তিম দিন ১ অক্টোবৰ পৰ্যন্ত ধাৰ্য্য কৰা হৈছে। 

নিৰ্বাচন আয়োগে লগতে কয় যে, "কৰ্তৃপক্ষই জাৰী কৰা ক'ভিড-১৯ নিৰ্দেশনা অনুসৰি নিৰ্বাচন সম্পৰ্কীয় সকলো কাৰ্যকলাপ কঠোৰভাৱে পালন কৰা হ'ব। ক'ভিড-১৯ প্ৰটোকল অনুসৰি মাস্ক, চেনিটাইজাৰ, থাৰ্মেল স্কেনিং, ফেচ শ্বিল্ড, হেণ্ড গ্লোভ আদি ব্যৱহাৰৰ লগতে সামাজিক দূৰত্ব কঠোৰভাৱে মানি চলিব লাগিব। লগতে, প্ৰাৰ্থী/নিৰ্বাচনী এজেণ্ট/প'লিং এজেণ্ট ভোটগণনা কৰা এজেণ্ট/ড্ৰাইভাৰ আদি দুবাৰকৈ ছিটাকৰণ কৰাটো বাধ্যতামূলক।

প্ৰতিটো ভোটকেন্দ্ৰৰ বাবে এজন স্বাস্থ্য কৰ্মীক ক'ভিড নোডেল বিষয়া হিচাপে নিযুক্তি দিয়া হ'ব। আনহাতে মুখ্য সচিব আৰু আৰক্ষী সঞ্চালক প্ৰধানে পৰ্যাপ্ত প্ৰতিৰোধমূলক ব্যৱস্থা গ্ৰহণ কৰিব আৰু কোনো নিৰ্বাচন সম্পৰ্কীয় হিংসা যাতে সংঘটিত নহয় তাৰ বাবে প্ৰয়োজনীয় ব্যৱস্থা গ্ৰহণ কৰিব।