গুৱাহাটী, ১ ছেপ্টেম্বৰঃ চৰকাৰী এয়াৰলাইন এয়াৰ ইণ্ডিয়াৰ মালিকীস্বত্বৰ অধিকাৰ ৬৮ বছৰৰ পিছত আকৌ এবাৰ টাটা গ্ৰুপলৈ আহিব পাৰে। টাটা চন্স গ্ৰুপটোৱে সৰ্ববৃহৎ নিবিদাদাতা  হিচাপে আত্মপ্ৰকাশ কৰাৰ পৰিপ্ৰেক্ষিতত কোম্পানীটোৱে এয়াৰলাইনৰ নিলামৰ বাবে আটাইতকৈ ডাঙৰ নিবিদা লাভ কৰিছে। বিশেষ সূত্ৰৰ পৰা জানিবলৈ পোৱা মতে, টাটা গ্রুপে এইবাৰ এয়াৰ ইণ্ডিয়াৰ নিলাম জিকিব পাৰে।

টাটা গ্ৰুপ যদিও শীৰ্ষ নিবিদাদাতা হিচাপে আত্মপ্ৰকাশ কৰিছে, কিন্তু কেন্দ্ৰীয় গৃহ মন্ত্ৰী অমিত শ্বাহৰ নেতৃত্বত এখন সমিতিৰ বৈঠকৰ অন্তত অহা সপ্তাহত ইয়াৰ ওপৰত এক আনুষ্ঠানিক ঘোষণা কৰা হ'ব। 

অহা কেইদিনমানৰ ভিতৰত এয়াৰ ইণ্ডিয়াৰ ব্যক্তিগতকৰণ সম্পৰ্কীয় মন্ত্ৰীসকলৰ এখন সমিতি অনুষ্ঠিত হ'ব। সমিতিখনে বিমান সেৱাৰ বাবে নিবিদা জিকা সকলক বিবেচনা আৰু অনুমোদন জনাব।

চৰকাৰে বিনিয়োগ প্ৰক্ৰিয়া সম্পূৰ্ণ কৰাৰ পৰিকল্পনা প্ৰস্তুত কৰিছে আৰু ২০২১ চনৰ ডিচেম্বৰৰ ভিতৰত এয়াৰ ইণ্ডিয়াক নতুন গৰাকীক হস্তান্তৰ কৰাৰ পৰিকল্পনা তৈয়াৰ কৰিছে।