ধুবুৰীত দুবছৰীয়া শিশু সহ সন্ধানহীন মহিলাঃ অপহৰণৰ অভিযোগ স্বামীৰ

গুৱাহাটী,৩০ ছেপ্টেম্বৰ:ধুবুৰী জিলাৰ এগৰাকী বিবাহিত মহিলা সন্ধান হৈ পৰিছে।তেওঁৰ স্বামীয়ে পত্নীক অপহৰণ কৰাৰ অভিযোগত চাৰিজন ব্যক্তিৰ বিৰুদ্ধে আৰক্ষীৰ ওচৰত এক গোচৰ ৰুজু কৰিছে।

ধুবুৰী জিলাৰ আগমণি আৰক্ষী থানাৰ অন্তৰ্গত পাৱাৰচৰা গাঁৱৰ ৩৮ বছৰীয়া স্বামী মন্টেশ্বৰ ৰয়ে আগমনি আৰক্ষী থানাত এই সংক্ৰান্তত এখন এজাহাৰ দাখিল কৰিছে।এজাহাৰত ৰয়ে অভিযোগ কৰিছিল যে তেওঁৰ পত্নী মনিকা বালা ৰয়ে (২৪) তেওঁলোকৰ দুবছৰীয়া পুত্ৰৰ সৈতে সন্ধানহীন হৈ আছে।

তেওঁ লগতে অভিযোগ কৰিছিল যে মনিকাই নগদ ৩৫,০০০ টকা আৰু অন্যান্য মূল্যৱান আ-অলংকাৰ আৰু সামগ্ৰীও লগত লৈ গৈছিল।মহিলাগৰাকীৰ স্বামীয়ে সোমবাৰৰ পৰা তেওঁৰ পত্নী আৰু দুবছৰীয়া পুত্ৰৰ বাবে অপেক্ষা কৰি আছে।

ঘটনাসন্দৰ্ভত সংবাদ মাধ্যমক অৱগত কৰি স্বামীয়ে কয় যে তেওঁ সন্দেহ কৰিছে যে তেওঁৰ পত্নীক চাৰিজন ব্যক্তিয়ে অপহৰণ কৰিছে।তেওঁ সুজিত ওৰফে লাড্ডু, হেমন্ত ৰয়, বেদ ৰয় আৰু মান্টছ ৰয় নামৰ চাৰিজন ব্যক্তিৰ বিৰুদ্ধে অপহৰণত জড়িত থকাৰ অভিযোগ উত্থাপন কৰি এজাহাৰ দাখিল কৰিছে।