গুৱাহাটী, ১৯ অক্টোবৰঃ মহিলাৰ দৰে, পুৰুষসকলৰো শালমইনা, ক'লা দাগ আদি সমস্যাই দেখা দিয়ে। যি তেওঁলোকৰ মুখৰ আকৰ্ষণ নাইকিয়া কৰে। ইয়াৰ লগতে, পুৰুষে মহিলাৰ তুলনাত তেওঁলোকৰ ছালৰ যত্ন কমকৈ লয়। 

কিন্তু কিছুমান পদ্ধতি গ্ৰহণ কৰি পুৰুষসকলেও পুনৰ ছাল আৰু মুখমণ্ডলৰ আকৰ্ষণ আৰু উজ্জ্বলতা ঘূৰাই আনিব পাৰে। এই পদক্ষেপবোৰে দাগ, ক'লা দাগ আদি বিভিন্ন সমস্যাৰ পৰা সকাহ পাব পাৰে। 

পুৰুষসকলে এনেদৰে ছালৰ যতন লওক। 

১. বিলাহী

বিলাহীত যথেষ্ট পৰিমাণে ভিটামিন চি থাকে। গতিকে সপ্তাহত কমেও দুবাৰ বিলাহীৰ ৰসত অলপ নেমুৰ ৰস যোগ দি ভালদৰে মিহলি কৰি মুখ আৰু ডিঙিত প্ৰয়োগ কৰিব। যেতিয়া এই মিশ্ৰণটো শুকাই যাব, তেতিয়া আপোনাৰ মুখ খন ধুই লব। ই ছাল উন্নত কৰাত সহায় কৰিব।

২. বেচন আৰু দৈ 

শালমইনা, ক'লা দাগ আদিৰ পৰা পৰিত্ৰাণ পাবলৈ বেচন আৰু দৈৰে এটা ফেচ পেক তৈয়াৰ কৰি ছালত প্ৰয়োগ কৰক। ইয়াৰ বাবে সমান পৰিমাণৰ দৈ আৰু বেচন মিহলি কৰি আৰু ইয়াক মুখ আৰু ডিঙিত প্ৰয়োগ কৰিব। ১০-১৫ মিনিটৰ পিছত, যেতিয়া পেষ্টখিনি শুকাই যাব তেতিয়া মুখখন পৰিষ্কাৰ পানীৰে ধুব। সপ্তাহত দুবাৰকৈ এইদৰে প্ৰয়োগ কৰক।

৩. আপেল

তেলেতীয়া ছাল, ব্রণ আদিৰ পৰা পৰিত্ৰাণ পাবলৈ, আপেলৰ টুকুৰা ভালদৰে পিহি পেষ্ট এটা বনাওক। তাৰ পিছত ১ চামুচ দৈ, ১ চামুচ নেমুৰ ৰস যোগ দিয়ক আৰু মুখত প্ৰয়োগ কৰক। ১০-১৫ মিনিটৰ পিছত শুকাই গ'লে মুখখন পৰিষ্কাৰ পানীৰে ধুই ল'ব।