মিজোৰামৰ চম্পাই জিলাৰ পৰা বৃহৎ পৰিমাণৰ নিষিদ্ধ আৰেকা বাদাম জব্দ কৰে অসম ৰাইফলছে

গুৱাহাটী,২৭ অক্টোবৰ:ড্ৰাগছৰ বিৰুদ্ধে এক গুৰুত্বপূৰ্ণ অভিযান চলাই থকা অসম ৰাইফলছে সোমবাৰে মিজোৰামৰ চম্পাই জিলাৰ পৰা দুজন ব্যক্তিক আটক কৰে আৰু তেওঁলোকৰ ওচৰৰ পৰা ৰাইফলছ বাহিনীয়ে বৃহৎ পৰিমাণৰ নিষিদ্ধ আৰেকা বাদাম জব্দ কৰে।

গোপন সূত্ৰৰ পম খেদি অসম ৰাইফলছ আৰু চম্পাই শুল্ক বিভাগৰ নিৰাপত্তা বাহিনীয়ে প্ৰায় ৭২০০ কিলোগ্ৰাম ওজনৰ আৰেকা বাদাম জব্দ কৰে।প্ৰতিবেদন অনুসৰি, আন্তৰ্জাতিক বজাৰত এই আৰেকা বাদামবোৰৰ আনুমানিক মূল্য ২৮ লাখ ৮ হাজাৰ টকা।

ইফালে, জব্দ কৰা নিষিদ্ধ পদাৰ্থৰ সৈতে দুয়োজন অভিযুক্তক পৰৱৰ্তী আইনী প্ৰক্ৰিয়াৰ বাবে আটক কৰা হৈছে। মন কৰিবলগীয়া যে মিজোৰাম চৰকাৰে ড্ৰাগছৰ বিৰুদ্ধে প্ৰত্যেক দিনে একত্ৰিত প্ৰচেষ্টা চলাই আহিছে,অবৈধ ড্ৰাগছৰ ব্যৱসায়ৰ সৈতে জড়িত যিকোনো লোকৰ বাবে শূন্য সহনশীলতাৰ নীতি অনুসৰণ কৰি আহিছে।