ৰিব্ৰেণ্ডিং কৰা হ'ল ফেচবুকৰ,মেটাভাৰ্চৰ পৰিকল্পনাৰে মাৰ্ক জুকাৰবাৰ্গে ঘোষণা কৰিলে নতুন নামৰ

গুৱাহাটী,২৯ অক্টোবৰ:ফেচবুকে যোৱা ১৭ বছৰ ধৰি সামাজিক মাধ্যমৰ বৃহৎ মঞ্চ হিচাপে বিশ্বজুৰি নিজৰ আধিপত্য বিস্তাৰ কৰি আহিছে। কিন্তু এতিয়াৰে পৰা ফেচবুকে এটা নতুন পৰিচয়ৰ লাভ কৰিলে।ফেচবুকৰ এই ৰিব্ৰেণ্ডিংৰ গুৰুত্ব মেটাভাৰ্চৰ ওপৰত আধাৰিত।কোম্পানীটোৰ মুখ্য কাৰ্যবাহী বিষয়া মাৰ্ক জুকাৰবাৰ্গে ২৮ অক্টোবৰত কোম্পানীৰ কানেক্ট সন্মিলনত ফেচবুকৰ নতুন নাম 'মেটা' বুলি বিশ্ববাসীৰ আগত ঘোষণা কৰে।

ফেচবুকৰ কি নতুন পৰিকল্পনা:

ফেচবুকে প্ৰথমে যোৱা মাহত ইয়াৰ মেটাভাৰ্চ নিৰ্মাণৰ পৰিকল্পনাৰ বিষয়ে প্ৰতিবেদন দিছিল। ডিজিটেল পৃথিৱীত ভাৰ্চুৱেল, ইণ্টাৰেক্টিভ স্থান বুজাবলৈ মেটাভাৰ্ছ ব্যৱহাৰ কৰা হয়। প্ৰতিবেদন অনুসৰি, এই মেটাভাৰ্চ ৰিব্ৰেণ্ড ফেচবুক এপটোৱে ইনষ্টাগ্ৰাম, হোৱাটছএপ, অকুলাচ আৰু অন্যান্য গোটত বহুতো ডাঙৰ পৰিৱৰ্তন কৰিব।

১০,০০০ লোকে চাকৰি পাব:

ফেচবুকে এই মাহৰ আৰম্ভণিতে সামাজিক নেটৱৰ্ক বিলাক কঠোৰ কৰাত সহায় কৰিবলৈ ১০,০০০ লোকক নিয়োগ কৰাৰ কথা ঘোষণা কৰিছিল। এই নতুন মেটাভাৰ্চত, ফেচবুকে ভাৰ্চুৱেল আৰু অগমেন্টেড ৰিয়েলটি (ভিআৰ/এআৰ) ব্যৱহাৰ কৰি এটা নতুন ভাৰ্চুৱেল অধ্যায় আৰম্ভ কৰিবলৈ গৈ আছে।

কোম্পানীৰ মতে এই প্ৰচেষ্টাৰ জৰিয়তে তেঁওলোকে এক নতুন অৰ্থনৈতিক সুযোগ বিচাৰি উলিয়াব লগতে পৰৱৰ্তীৰ কম্পিউটিং প্লেটফৰ্মে নতুন সৃষ্টিশীল,সামাজিক আৰু অৰ্থনৈতিক সুযোগৰ প্ৰৱেশাধিকাৰ আনলক কৰাত সহায় কৰিব।ফেচবুকৰ গ্লোবেল এফেয়াৰ্ছৰ উপ-সভাপতি নিক ক্লেগে কয়,"আমি অহা পাঁচ বছৰত ইউৰোপীয় ইউনিয়নত ১০,০০০ নতুন চাকৰি সৃষ্টিকৰাৰ পৰিকল্পনা কৰিছো।"