সৌৰভ গাংগুলীয়ে হঠাতে ল'লে ডাঙৰ সিদ্ধান্ত, সকলোকে আচৰিত কৰি পদৰ পৰা ল'লে অব্যাহতি

গুৱাহাটী, ২৮ অক্টোবৰঃ বি চি চি আইৰ সভাপতি সৌৰভ গাংগুলীয়ে বুধবাৰে সকলোকে আচৰিত কৰি এক ডাঙৰ সিদ্ধান্ত লয়। সৌৰভ গাংগুলীয়ে বিতৰ্ক এৰাই চলিবলৈ তেওঁৰ এটা শীৰ্ষ পদৰ পৰা পদত্যাগ কৰিছে।

সৌৰভ গাংগুলীয়ে ইণ্ডিয়ান চুপাৰ লীগ (আইএছএল) ক্লাব এটিকে মোহন বাগানৰ সঞ্চালক পদৰ পৰা পদত্যাগ কৰিছে। এটিকে মোহন বাগান এফ চিৰ গৰাকী আৰ পি এছ জি ভেঞ্চাৰছ প্ৰাইভেট লিমিটেড, যি সোমবাৰে লক্ষ্ণৌত ৭,০৯০ কোটি টকাৰ অভিলেখ নিবিদাৰে নতুন আই পি এল দলৰ অধিকাৰ লাভ কৰে। 

গাংগুলীৰ এই পদক্ষেপক স্বাৰ্থৰ সংঘাত পৰিহাৰ কৰাৰ প্ৰয়াস হিচাপে দেখা গৈছে, কিয়নো আৰ পি এছ জি গোটটোৱে এতিয়া আই পি এলৰ দৌৰত যোগদান কৰিছে।