ক'ৰনা ভাইৰাছৰ এক নতুন তথ্য প্ৰকাশ, সময় অনুসৰি সলনি হৈ পৰে পৰীক্ষাৰ প্ৰতিবেদন

গুৱাহাটী, ২৮ অক্টোবৰঃ বিশ্বজুৰি মানুহে প্ৰায় দুবছৰ ধৰি ক'ৰনা মহামাৰীত ভুগি আছে। সমগ্ৰ বিশ্বৰ বিজ্ঞানীসকলে এই বিপজ্জনক ভাইৰাছটোৰ ওপৰত বিভিন্ন গৱেষণা চলাই আছে, কিন্তু এতিয়ালৈকে কাৰো হাতত কোনোৱে সঠিক তথ্য পাবলৈ সক্ষম হোৱা নাই। ইপিনে, ক'ৰনাৰ ভয়াবহতা কিছু সাম কটাৰ পিছত পুনৰ  নতুন সংক্ৰমণৰ ঘটনা উন্মোচন হৈছে। ইয়াতকৈ আচৰিত কথা এইটো যে, শেহতীয়া এক গৱেষণাই দেখুৱাইছে যে ক'ৰনা ভাইৰাছৰ অৱস্থিতি বাবে কৰা পৰীক্ষাসমূহৰ ফলাফল সময় অনুসৰি নাইবা দিন আৰু ৰাতি ভিন্ন হ'ব পাৰে।

প্ৰকৃততে, আমেৰিকা যুক্তৰাষ্ট্ৰৰ এক অধ্যয়নৰ ওপৰত আধাৰিত কৰি এই দাবী কৰা হৈছে। আমেৰিকা যুক্তৰাষ্ট্ৰৰ ভেণ্ডাৰবিল্ট বিশ্ববিদ্যালয় চিকিৎসা কেন্দ্ৰই তেওঁলোকে কৰা অধ্যয়নৰ পিছত দাবী কৰিছিল যে ভাইৰাছটোৰ আচৰণ সময় আৰু মানৱ শৰীৰৰ চলাচল অনুসৰি পৃথক হয়। সহজ ভাষাত ক'বলৈ গ'লে, যদি আপুনি ৰাতিপুৱা ক'ৰনা পৰীক্ষা কৰায়, ফলাফলবোৰ নিশাৰ ফলাফলতকৈ পৃথক হ'ব পাৰে। একে সময়তে, আপোনাৰ টোপনিয়েও ক'ৰনা পৰীক্ষা প্ৰভাৱিত কৰিব পাৰে।

ক'ৰনাৰ ওপৰত আমেৰিকা যুক্তৰাষ্ট্ৰৰ এক অধ্যয়নত এইটোও দাবী কৰা হৈছে যে, "আবেলি কৰা ক'ৰনা পৰীক্ষাৰ ফলাফল আটাইতকৈ সঠিক হোৱাৰ সম্ভাৱনা আছে। খবৰ অনুসৰি যদি নিশাৰ পৰিৱৰ্তে ৰাতিপুৱা বা আবেলি নমুনা লোৱা হয়, পৰীক্ষাটোৰ সঠিক ফলাফল পোৱাৰ সম্ভাৱনা দুগুণ।

আবেলি কৰা ক'ৰনা পৰীক্ষাৰ ফলাফল নিগেটিভ পোৱাৰ আশংকা অতি কম। ইয়াৰ অৰ্থ এইটো যে কোনো লোক যদিহে সঁচাকৈ ক'ৰানা ভাইৰাছৰ দ্বাৰা সংক্ৰমিত হৈছে, তেন্তে তেওঁৰ পজিটিভ হিচাপে বা সঠিক ফলাফল প্ৰকাশ পাব।

আনহাতে, আন বহুতো ভাইৰাছ আৰু বেক্টেৰিয়াৰ দৰে, এজন ব্যক্তিৰ শৰীৰে চলাচল কৰা অনুসৰি ক'ৰনা ভাইৰাছৰ বিভিন্ন প্ৰভাৱ থাকে। দৰাচলতে, এইটো বিশ্বাস কৰা হয় যে, "এজন ব্যক্তিৰ ৰোগ প্ৰতিৰোধ প্ৰণালী দিনটোত অধিক সক্ৰিয় হৈ থাকে আৰু এই সময়ছোৱাত ভাইৰাছৰ অৱস্থিতিও সক্রিয় অৱস্থাত থাকে। সেয়েহে, এই সময়ত সঠিক ফলাফল প্ৰকাশ পোৱাৰ সম্ভাৱনা অধিক। অধ্যয়নটোৱে ক'ৰনা ভাইৰাছৰ পৰীক্ষা আৰু চিকিৎসাৰ নতুন পদ্ধতি গ্ৰহণ কৰাৰ পৰামৰ্শ দিয়ে।