হাম দিল দে চুকে চনমৰ দৰেই উত্তৰ প্ৰদেশত স্বামীয়ে পত্নীৰ প্ৰেমিকৰ সৈতে কৰায় দিয়ে বিবাহ

গুৱাহাটী,৩১ অক্টোবৰ:১৯৯৯ চনৰ ব্লকবাষ্টাৰ 'হম দিল দে চুকে চনম'ৰ দৰে কানপুৰৰ এজন ব্যক্তিয়ে পাঁচ মাহ আগতে বিবাহপাশত আৱদ্ধ হোৱা পত্নীক তেওঁৰ প্ৰেমিকৰ সৈতে পুনৰ মিলিত হোৱাত সহায় কৰিছিল।

গুৰুগ্ৰামৰ এটা ব্যক্তিগত প্ৰতিষ্ঠানত একাউণ্টেণ্ট হিচাপে কাম কৰা পংকজ শৰ্মাই এই বছৰৰ মে মাহত কোমলক বিয়া কৰাইছিল।পংকজে সাংবাদিকক কৈছিল যে তেওঁৰ পত্নী কোমলে তেওঁলোকৰ বিবাহৰ পিছৰে পৰা তেওঁৰ পৰা দূৰত্ব বজাই ৰাখিছিল। তেওঁ বিয়াখন হোৱাটো বিচৰা নাছিল বা আনকি কাৰো সৈতে কথা পতাও নাছিল। ইয়াৰ মূলতে আছিল কোমলে তেওঁৰ প্ৰেমিক পিণ্টুকহে বিয়া কৰাব বিচাৰিছিল।

যেতিয়া পংকজে তেওঁৰ শহুৰেকক এই কথা অৱগত কৰিছিল, তেওঁলোকে কোমলক বুজাবলৈ চেষ্টা কৰিছিল কিন্তু তাই একেটা কথাতে আকোৰ গোজ হৈ আছিল।কোমল দৃঢ় প্ৰতিজ্ঞ হোৱা দেখি পংকজে সন্মত হৈছিল আৰু আনকি তেওঁলোকৰ বিবাহৰ পৰিকল্পনাও কৰিছিল। তেওঁ শুক্ৰবাৰে সন্ধিয়া তেওঁৰ প্ৰেমিক পিণ্টুৰ সৈতে তেওঁৰ পত্নীৰ বিবাহ সম্পন্ন কৰাৰ বাবে এজন উকীলৰ ব্যৱস্থা কৰিছিল য'ত দুয়োপক্ষৰ আত্মীয় আৰু অতিথি উপস্থিত আছিল।