ক'ভিডৰ তৃতীয় ঢৌৰ আশংকা বৃদ্ধি; ভাৰতত পুনৰ ১৪,৩১৩ জন ক'ৰনাত সংক্ৰমিত

গুৱাহাটী, ৩০ অক্টোবৰঃ কেন্দ্ৰীয় স্বাস্থ্য মন্ত্ৰালয়ে প্ৰকাশ কৰা তথ্য অনুসৰি, ১৪,৩১৩ জন লোক ক'ভিডত আক্ৰান্ত হৈছে, যাৰ ফলত দেশৰ মুঠ আক্রান্তৰ সংখ্যা ৩,৪২,৬০,৪৭০ লৈ বৃদ্ধি পাইছে। বৰ্তমান ভাৰতত ১,৬১,৫৫৫ জন লোক ক'ভিডত আক্ৰান্ত হৈ আছে।

ইপিনে, নতুনকৈ ক'ৰনা ভাইৰাছৰ দ্বাৰা সংক্ৰমিত হোৱা লোকৰ সংখ্য়া আৰু দৈনিক বৃদ্ধি হোৱা সংখ্য়াবোৰৰ পোনপটীয়াকৈ ৩৬ দিনৰ বাবে ৩০,০০০ ৰ তলত আছে। এতিয়া একেৰাহে ১২৫ দিন ধৰি দৈনিক ৫০,০০০ তকৈ কম নতুন সংক্ৰমিত হৈছে। 

ইয়াৰ লগতে দৈনিক পজিটিভ ৰোগীৰ হাৰ ১.২২ শতাংশ নথিভুক্ত কৰা হৈছে আৰু বিগত ২৬ দিন ধৰি ই ২ শতাংশৰ তলত আছে।

আনহাতে, সাপ্তাহিক পজিটিভ ৰোগীৰ হাৰ ১.১৮ শতাংশ নথিভুক্ত কৰা হৈছিল। স্বাস্থ্য মন্ত্ৰালয়ে জনোৱা অনুসৰি বিগত ৩৬ দিন ধৰি ই ২ শতাংশৰ তলত আছে।