অধিনায়কত্ব ত্যাগ কৰাৰ পিছতে ক'হলীয়ে ৰাজহুৱাভাৱে প্ৰকাশ কৰিলে কিছু বিশেষ কথা

গুৱাহাটী, ৯ নৱেম্বৰঃ চলিত টি-২০ বিশ্বকাপৰ ছেমি ফাইনেলৰ পূর্বে টীম ইণ্ডিয়াৰ যাত্ৰা সমাপ্ত হয়। সোমবাৰে ভাৰতৰ অন্তিমখন লীগ মেচ নামিবিয়াৰ বিৰুদ্ধে আছিল, য'ত ভাৰতে ৯ উইকেটত বিজয়ী হৈছিল। খেলখন বিৰাট ক'হলীৰ টি-২০ অধিনায়কত্বৰ অন্তিম খন খেল আছিল। উল্লেখ্য যে বিৰাট ক'হলীয়ে ইতিমধ্যে ঘোষণা কৰিছিল যে তেওঁ টি-২০ বিশ্বকাপৰ পিছত টি-২০ ফৰ্মেটৰ অধিনায়কত্ব ত্যাগ কৰিব।  

বিৰাট ক'হলীয়ে টি-২০ অধিনায়কত্ব ত্যাগ কৰাৰ পিছত নিজকে বাধা দি ৰাখিব নোৱাৰিলে আৰু নিজৰ লগতে টীম ইণ্ডিয়াৰ কিছু ব্যক্তিগত কথা ৰাজহুৱাভাৱে প্ৰকাশ কৰি পেলালে। অধিনায়কত্ব ত্যাগ কৰাৰ পিছত বিৰাট কোহলীয়ে কয়, "মই এতিয়া বহুত সকাহ পাইছো। যোৱা ৬ ৰ পৰা ৭ বছৰত, যেতিয়াই মই খেলপথাৰত ভৰি দিছিলো, মই যথেষ্ট কষ্ট কৰি ক্ৰিকেট খেলিছিলো, যাৰ ফলত শৰীৰতো যথেষ্ট প্ৰভাৱ পৰিছিল। ঠিক তেনেদৰে টি-২০ ক্ৰিকেটতো তেনে একো বেছি পাৰ্থক্য নাথাকে।"

ক'হলীয়ে লগতে কৈছিল যে, "পাকিস্তান আৰু নিউজিলেণ্ডৰ বিৰুদ্ধে প্ৰথম দুখন খেলত আৰম্ভণিৰ দুটা অভাৰ ভাল হ'লে খেলৰ পৰিণাম বেলেগ হ'লহেতেন। এই টি-২০ বিশ্বকাপত টীম ইণ্ডিয়া বাদ পৰাৰ আঁৰত নিউজিলেণ্ড আৰু পাকিস্তান আটাইতকৈ ডাঙৰ কাৰক হিচাপে প্ৰমাণিত হৈছিল। নিউজিলেণ্ড আৰু পাকিস্তানে টীম ইণ্ডিয়াক পৰাস্ত কৰাৰ বাবে টি-২০ বিশ্বকাপৰ পৰা বাহিৰ হ'বলগীয়া হ'ল। তদুপৰি, প্ৰশিক্ষক হিচাপে টীম ইণ্ডিয়াৰ সৈতে ৰবি শাস্ত্ৰীৰ চুক্তি এতিয়া সমাপ্ত হৈছে।"

ইপিনে, বিৰাট ক'হলীয়ে টীম ইণ্ডিয়াৰ হৈ অধিনায়ক হিচাপে অন্তিমখন খেলৰ পিছত ৰবি শাস্ত্ৰী আৰু অন্যান্য পেৰামেডিক্সক ধন্যবাদ জনাইছিল। বিৰাটে শেষত কৈছিল, "দলটোৱে যিধৰণে খেলিছে তাক লৈ মই অত্যন্ত গৌৰৱান্বিত। এতিয়া মই ভাবো এই দলটোক আগুৱাই নিয়াৰ দায়িত্ব আনক দিয়াৰ সময় আহি পৰিছে। স্পষ্টভাৱে ৰোহিত ইয়াৰ বাবে উপযুক্ত আৰু তেওঁ কিছু সময়ৰ পৰা খেলৰ দিশবোৰ নিৰীক্ষণ কৰি আছে।"