পাকিস্তানী ক্ৰিকেটাৰে উপহাস কৰিলে টীম ইণ্ডিয়াৰ খেলুৱৈক, উচিত প্ৰত্যুত্তৰ দিলে ভাৰতীয় ক্ৰিকেটাৰে

গুৱাহাটী, ৯ নৱেম্বৰঃ টি-২০ বিশ্বকাপৰ ছেমি ফাইনেলৰ পৰা টীম ইণ্ডিয়া বাহিৰ হৈছে। ভাৰতে পাকিস্তানৰ বিৰুদ্ধে তেওঁলোকৰ প্ৰথমখন খেলত ১০ উইকেটত পৰাজিত হৈছিল। দ্বিতীয় খন খেলত নিউজিলেণ্ড ৮ উইকেটত পৰাস্ত কৰে। গতিকে ভাৰতীয় অনুৰাগীসকল এতিয়া যথেষ্ট হতাশ হৈ পৰিছে। ইপিনে, পাকিস্তানৰ এটা ৱেবছাইটে ভাৰতৰ পৰাজয়ৰ সন্দৰ্ভত টুইটাৰত উপহাস কৰা দেখা গৈছে। যাৰ প্ৰত্যুত্তৰত প্ৰাক্তন ভাৰতীয় ক্ৰিকেটাৰ ৱাছিম জাফৰে ইয়াৰ উপযুক্ত প্ৰত্যুত্তৰ দিছে। 

টীম ইণ্ডিয়া টি-২০ বিশ্বকাপৰ পৰা আঁতৰি অহাৰ পিছত পাকিস্তানৰ ক্ৰীড়া ৱেবছাইট পাকিস্তান ক্ৰিকেটে টুইটাৰযোগে টীম ইণ্ডিয়াৰ অনুৰাগীসকলক সুধিছিল, "আপোনালোকৰ ভাৰতীয় অনুৰাগীসকলক লৈ কেনে অনুভৱ হৈছে?" ইয়াক লৈ যদিও ভাৰতীয় অনুৰাগীসকলে এই প্ৰশ্নটোৰ উত্তৰ তেওঁলোকৰ নিজৰ মতে বেলেগ ধৰণে দিছিল, কিন্তু প্ৰাক্তন ক্ৰিকেটাৰ ৱাছিম জাফৰৰ প্ৰত্যুত্তৰত সকলোৱে আচৰিত হৈ পৰিছিল। কিয়নো, ভাৰতৰ প্ৰবীণ ক্ৰিকেটাৰ ৱাছিম জাফৰে ইয়াক বিপদজনক ধৰণে সঁহাৰি জনাইছে।

তেওঁ পাকিস্তানী ৱেবছাইটৰ টুইটাৰত ভাৰত আৰু পাকিস্তানৰ মাজত হোৱা ক্ৰিকেটৰ সংঘৰ্ষৰ কথা উল্লেখ কৰিছিল। য'ত ভাৰত আৰু পাকিস্তানৰ ১৩ খন বিশ্বকাপ খেল অনুষ্ঠিত হৈছিল আৰু টীম ইণ্ডিয়াই ১২ বাৰ আৰু পাকিস্তানে ১ বাৰ জয়ী হ'বলৈ সক্ষম হৈছিল।