নেৰা নেপেৰা বৰষূণৰ ফলত তামিলনাডুত ভয়ংকৰ বানপানী,১,৭২৩ জন লোকক সাহায্য শিবিৰলৈ কৰা হৈছে স্থানান্তৰিত

গুৱাহাটী,১১ নৱেম্বৰ:বিগত কেইদিনমানৰ পৰা চেন্নাই আৰু ইয়াৰ কাষৰীয়া কেইবাখনো জিলাত হোৱা বৰষুণে মানুহৰ বাবে সমস্যাৰ সৃষ্টি কৰিছে। ৰাস্তাবোৰ পুখুৰী হৈ পৰিছে। পৰিস্থিতি এনেকুৱা হৈ পৰিছে যে মানুহক তেওঁলোকৰ নিজৰ ঘৰত বন্দী কৰি ৰাখিবলৈ বাধ্য কৰা হৈছে। বতৰ বিভাগৰ প্ৰতিবেদন অনুসৰি চেন্নাইত আজি ধাৰাসাৰ বৰষুণ হোৱাৰ সম্ভাৱনা আছে।

বতৰ বিভাগে চেন্নাইকে ধৰি তামিলনাডুৰ কেইবাখনো জিলাত ধাৰাসাৰ বৰষুণৰ সতৰ্কবাণী জাৰি কৰিছে।সতৰ্কবাণীৰ পিছত এনডিআৰএফ আৰু আৰক্ষী প্ৰশাসন যথেষ্ট সতৰ্ক হৈ আছে। চেন্নাই আৰু ওচৰৰ কেইবাখনো জিলাৰ বিদ্যালয় আৰু মহাবিদ্যালয় দুদিনৰ বাবে বন্ধ হৈ আছে। বৃহস্পতিবাৰে চেন্নাই, তিৰুভাল্লুৰ, কাঞ্চিপুৰম, ভিল্লুপুৰম, চেঙ্গালপট্টু আৰু তিৰুভান্নামালাই জিলাত ধাৰাসাৰ বৰষুণ হোৱাৰ সম্ভাৱনা আছে।

এনডিআৰএফৰ মতে, এতিয়ালৈকে চেন্নাইৰ ১,৭২৩ জন লোকক সাহায্য শিবিৰলৈ স্থানান্তৰিত কৰা হৈছে। দুৰ্যোগ ব্যৱস্থাপনা বিভাগৰ মতে, যোৱা কেইদিনমানত নেৰানেপেৰা বৰষুণৰ বাবে দৰিদ্র লোকসকলক ১.১ নিযুতৰো অধিক খাদ্যৰ পেকেট বিতৰণ কৰা হৈছে। তামিলনাডুৰ মুখ্যমন্ত্ৰী এম কে ষ্টালিনেও বানপীড়িত অঞ্চলসমূহ পৰিদৰ্শন কৰিছিল আৰু নিজেই মানুহক খাদ্যৰ পেকেট বিতৰণ কৰিছিল।