বিৰাট ক'হলীৰ বিষয়ত বি চি চি আইয়ে কিয় পদক্ষেপ লোৱাৰ পৰা পিছুৱাই থাকে? কি ক্ষতি হ'ব পাৰে বি চি চি আইৰ?

গুৱাহাটী, ১৭ ডিচেম্বৰঃ বিৰাট কোহলীক অধিনায়ক পদৰ পৰা আঁতৰ কৰা পিছত যোৱা বুধবাৰে ক'হলীয়ে এখন সংবাদমেল অনুষ্ঠিত কৰিছিল য'ত তেওঁ কেইবাটাও আচৰিত কথা উন্মোচন কৰিছিল। বিৰাট ক'হলীয়ে বি চি চি আইৰ সভাপতি সৌৰভ গাংগুলীৰ মন্তব্যক প্ৰমাণ কৰি দেখুৱাইছিল যে, গাংগুলীয়ে বিৰাট ক'হলীক টি-২০ অধিনায়কত্ব ত্যাগ নকৰিবলৈ পৰামৰ্শ দিছিল। ক'হলীয়ে লগতে প্ৰকাশ কৰিছিল যে, "কোনেও মোক টি-২০ অধিনায়কত্ব ত্যাগ কৰাত বাধা দিয়া নাছিল।" এতিয়া গাংগুলীৰ প্ৰতি প্ৰশ্ন উত্থাপিত হৈছে যে তেওঁ কিয় মিছা মাতিছিল। 

বিৰাট ক'হলী টীম ইণ্ডিয়াৰ সৈতে দক্ষিণ আফ্ৰিকাত উপস্থিত হৈছে, য'ত তেওঁ তিনিখন টেষ্ট মেচ আৰু তিনিখন এদিনীয়া মেচৰ শৃংখলা খেলিব। ইপিনে, বি চি চি আইৰ সভাপতি সৌৰভ গাংগুলীয়ে স্পষ্ট কৰি দিছে যে, তেওঁ কোনো ৰাজহুৱা বিবৃতি নিদিয়ে। বিৰাটে সংবাদমেলত ধুমুহাৰ দৰে মন্তব্য প্ৰকাশ কৰাত স্তম্ভিত হৈ বি চি চি আইয়ে এই সংকটৰ সৈতে মোকাবিলা কৰাৰ বিষয়ে বিবেচনা কৰি আছে।

বি চি চি আইয়ে এইটোও নিশ্চিত কৰিব যে খেলপথাৰৰ বাহিৰত চলি থকা এই নাটকীয় ঘটনাবোৰে যাতে গুৰুত্বপূৰ্ণ টেষ্ট শৃংখলাৰ আগতে দলটোক বিচলিত নকৰে। ভাৰতীয় টেষ্ট অধিনায়ক ক'হলীয়ে তিনিখন খেলৰ টেষ্ট শৃংখলাৰ বাবে দক্ষিণ আফ্ৰিকালৈ ৰাওনা হোৱাৰ পূৰ্বে এখন সংবাদমেলত কৈছিল যে, "মোক কেতিয়াও টি-২০ দলৰ অধিনায়কত্ব এৰি দিবলৈ কোৱা হোৱা নাছিল।" বিৰাটৰ এই বক্তব্য বি চি চি আইৰ সভাপতি সৌৰভ গাংগুলীৰ বক্তব্যৰ বিপৰীতে আছিল, যিটো তেওঁ সংবাদ মাধ্যমত দিছিল।

বৰ্তমান বুধবাৰৰ ঘটনাটোৰ পৰা বি চি চি আইৰ কোনো লোক সুখী নহয় বুলি জানিব পৰা গৈছে, কিন্তু তেওঁলোকে বুজি পাইছে যে এই বিষয়টো অৰ্থাৎ বিৰাটৰ ওপৰত যিকোনো ধৰণৰ পদক্ষেপ লোৱাটো বি চি চি আইৰ বাবে বৃহৎ ক্ষতিকাৰক হিচাপে প্ৰমাণিত হ'ব পাৰে।