পাণ্ডুত নিৰ্মাণ হ’বলগীয়া অত্যাধুনিক জাহাজ মেৰামতি কাৰখানাৰ কামৰ অগ্ৰগতি সন্দৰ্ভত অনুষ্ঠিত হয় বৈঠক

গুৱাহাটী,২৭ ডিচেম্বৰ:পাণ্ডুত নিৰ্মাণ হ’বলগীয়া অত্যাধুনিক জাহাজ মেৰামতি কাৰখানাৰ কামৰ অগ্ৰগতি সন্দৰ্ভত অনুষ্ঠিত হয় এক বিশেষ বৈঠক।কেন্দ্ৰীয় মন্ত্ৰী সৰ্বানন্দ সোণোৱালে পাণ্ডুৰ ভাৰতীয় অন্তৰ্দেশীয় জলমাৰ্গ প্ৰাধিকাৰীৰ বিষয়াৰে মিলিত হয় অনুস্থিত কৰে এই বৈঠকত।এই বৈঠকত ভাৰ্চুৱেলী অংশগ্ৰহণ কৰে আইআইটি মাদ্ৰাছ আৰু কোচিন শ্বিপ য়াৰ্ড লিমিটেডৰ বিষয়াই।জাহাজ মেৰামতি কাৰখানাৰ কাম বহু আগবাঢ়িছে।অহা বছৰ অৰ্থাৎ ২০২২ চনৰ মে’ত আধাৰশিলা স্থাপন কৰা হ’ব।কাৰিকৰী দিশ আৰু ডিপিআৰ প্ৰস্তুতৰ দায়িত্ব আইআইটি মাদ্ৰাছক দিয়া হৈছে।দুবছৰৰ ভিতৰত কাম সম্পূৰ্ণ কৰা হ’ব ।পূৰ্বে জাহাজ মেৰামতি কৰিবলৈ কলকাতালৈ যাব লাগে । তাত প্ৰয়োজন হৈছিল ছমাহ সময়ৰ কিন্তু পাণ্ডুত এই জাহাজ মেৰামতি কাৰখানা হ’লে যথেষ্ট সহায় হ’ব ।

ব্ৰহ্মপুত্ৰসহ অসমৰ আন আন জলপথত চলিব কে’বাখনো নতুন জাহাজ।খৰালিত পানী শুকাই বাবে কিছু অসুবিধা হয়।পানীৰ গভীৰতাটো কমি যায়।সেয়ে নদী খনন কৰা হ’ব।অসমসহ দেশৰ সকলো জলপথত জাহাজ চলাচলৰ পৰিকল্পনা কেন্দ্ৰৰ।বৰাক-ব্ৰহ্মপুত্ৰত চলিব মালবাহী জাহাজ ।

ব্ৰিটিছৰ সময়ৰ দৰে জাহাজৰে বাণিজ্যি কৰাৰ পৰিকল্পনা।ব্ৰহ্মপুত্ৰৰ পৰা বাংলাদেশ হৈ বংগোপ সাগৰলৈ চলিব জাহাজ।অসমত উৎপাদিত সামগ্ৰী আমদানি-ৰপ্তানি কৰিব পৰা যাব।দেশৰ জলপথ সুচল কৰাৰ লক্ষ্য আছে কেন্দ্ৰৰ।