ইউপিএছচিয়ে ঘোষণা কৰিলে কেন্দ্ৰীয় সশস্ত্ৰ আৰক্ষী বাহিনীৰ পৰীক্ষাৰ ফলাফল, পাঠশালাৰ যুৱকৰ সাফল্য

গুৱাহাটী,৫ জানুৱাৰী:ইউনিয়ন পাব্লিক চাৰ্ভিচ কমিছনে সংক্ষেপে ইউপিএছচিয়ে আজি কেন্দ্ৰীয় সশস্ত্ৰ আৰক্ষী বাহিনী (চিএপিএফ)ৰ পৰীক্ষাৰ ফলাফল ঘোষণা কৰিছে। সহকাৰী কমাণ্ডেণ্ট পদৰ বাবে আবেদন কৰা প্ৰাৰ্থীসকলে upsc.gov.in ফলাফল পৰীক্ষা আৰু ডাউনলোড কৰিব পাৰে। ইউপিএছচিয়ে ২১০ টা খালী পদৰ বাবে ১৮৭ জন আবেদনকাৰীক নিযুক্তি দিছে। 

ইউ.পি.এছ.চি. চি.এ.পি.এফ. ২০২০ ফলাফল অনুসৰি, সাধাৰণ শ্ৰেণীৰ ৫৯ জন আবেদনকাৰীয়ে পৰীক্ষাত উত্তীৰ্ণ হৈছে, ই.ডব্লিউ.এছ. শ্ৰেণীৰ ২০ জন আবেদনকাৰী, অনুসূচীত জাতি আৰু অনুসূচীত জনজাতি শ্ৰেণীৰ ক্ৰমান্বয়ে ৩৫ আৰু ১৮ জন আবেদনকাৰীয়ে এই পৰীক্ষাত সুখ্যাতিৰে উৰ্ত্তীণ হৈছে। এই পৰীক্ষাত পাঠশালাৰ যুৱক ৰাতুল ৰয়ে লাভ কৰিলে ১৭৭ সংখ্যক স্থান ।

কেন্দ্ৰীয় সশস্ত্ৰ আৰক্ষী বাহিনীত সহকাৰী কমাণ্ডেণ্ট (গ্ৰুপ এ)ৰ পদত তালিকাভুক্ত প্ৰাৰ্থীসকলক নিযুক্তি দিয়া হ'ব যেনে সীমান্ত সুৰক্ষা বাহিনী,কেন্দ্ৰীয় ৰিজাৰ্ভ আৰক্ষী বাহিনী,কেন্দ্ৰীয় ঔদ্যোগিক সুৰক্ষা বাহিনী,ভাৰত-তিব্বত সীমান্ত আৰক্ষী আৰু সশস্ত্ৰ সীমা বল।