অভিনেতা বিকি কৌশলৰ বাইকৰ ওপৰত তৰিলে গোচৰ, বনগংগা আৰক্ষী থানাৰ ভাৰপ্ৰাপ্ত বিষয়াই দিলে ইয়াৰ স্পষ্টিকৰণ

গুৱাহাটী,৪ জানুৱাৰী:অভিনেতা বিকি কৌশল আৰু অভিনেত্ৰী সাৰা আলী খানে এখন ছবিৰ বাবে দৃশ্যগ্ৰহণ কৰি আছিল আৰু ছবিখনৰ এটি দৃশ্যত বিকি কৌশলক বাইক চলাই থকা দেখা গৈছিল। তাৰ পিছত বাইকখনৰ নম্বৰ প্লেট সম্পৰ্কে ইন্দ’ৰত এটা অভিযোগ দাখিল কৰা হয়। এতিয়া, বিষয়টো সন্দৰ্ভত আৰক্ষীৰ পৰা এটা বিবৃতি আহিছে। আৰক্ষী বিষয়াজনে শেহতীয়াকৈ বিষয়টোক লৈ এটা স্পষ্ট বিৱৰণ দাঙি ধৰে।

সংবাদ সংস্থা পিটিআইৰ মতে, আৰক্ষীয়ে তদন্ত বন্ধ কৰি দিছে। এই তথ্য সোমবাৰে এজন আৰক্ষী বিষয়াই জানিবলৈ দিয়ে। আৰক্ষী বিষয়াজনে কয় যে, ছবিখনৰ দৃশ্যত ব্যৱহৃত মটৰ চাইকেলৰ নম্বৰ প্লেটৰ ফলত এটা ভুল বুজাবুজি হৈছিল যাৰ ওপৰত এটা গোচৰ ৰুজু কৰা হৈছিল। 

বনগংগা আৰক্ষী থানাৰ ভাৰপ্ৰাপ্ত বিষয়া ৰাজেন্দ্ৰ চোনীয়ে কয় যে, যাদৱৰ অভিযোগৰ তদন্তৰ পিছত দেখা গৈছিল যে ছবিখনৰ দৃশ্যগ্ৰহণৰ সময়ত ব্যৱহৃত মটৰচাইকেলখনৰ নম্বৰ প্লেটত ‘১’ ৰ ঠিক ওচৰত এটা নম্বৰ আছিল, যাৰ ফলত ছবিবোৰত বিষয়টো ‘৪’ ৰ দৰে দেখা গৈছিল আৰু সেয়েহে সকলো বিভ্ৰান্তিৰ সৃষ্টি হৈছিল।