ভাৰতত অমিক্ৰণৰ সংক্ৰমন বৃদ্ধিৰ বাবে মেঘালয়ত পুণৰ আৰোপ কৰা হ'ল নৈশ কাৰফিউ

গুৱাহাটী,৪ জানুৱাৰী:ভাৰতত অমিক্ৰণৰ সংক্ৰমন বৃদ্ধি হোৱাৰ মাজতে মেঘালয়ৰ মুখ্যমন্ত্ৰী কনৰাড কে চাংমাই জনাইছে যে ৰাজ্যখনত কেইটামান নিষেধাজ্ঞা পুনৰ উত্থাপন কৰা হৈছে। ৰাজ্যখনৰ ক'ভিড পৰিস্থিতিৰ ওপৰত পৰ্যালোচনা কৰাৰ পিছত সংবাদ মাধ্যমৰ লোকসকলৰ সৈতে কথা পাতি মুখ্যমন্ত্ৰী চাংমাই কিঞ্চিৎ প্ৰতিবন্ধকতা আৰোপ কৰাৰ সিদ্ধান্তৰ কথা উল্লেখ কৰিছিল। মুখ্যমন্ত্ৰীৰ মতে, প্ৰতিবন্ধকতা আৰোপ কৰাটো বৰ্তমান সময়ৰ বাবে গুৰুত্বপূৰ্ণ ৰাজ্যখনত সৰ্বাংগীন উন্নয়নৰ স্বাৰ্থত এয়া কোনো পাপ নহয় বা ভুল চিন্তা নহয়।

চাংমাই কয় যে শ্বিলং চহৰত ব্যক্তিগত বাহনৰ চলাচলৰ ওপৰত প্ৰতিবন্ধকতা থাকিব লগতে ব্যক্তিগত বাহনৰ বাবে শ্বিলং চহৰত যুগ্ম - অযুগ্ম সংখ্যাৰ প্ৰযোজ্য কৰা হ'ব।

দুটা ছিটাকৰণ প্ৰমাণপত্ৰৰ প্ৰয়োজনীয়তাৰ উপৰিও, ৰাজ্যৰ বাহিৰৰ পৰা অহা সকলে ৭২ ঘণ্টাৰ ক'ভিড-১৯ৰ ঋণাত্মক পৰীক্ষা প্ৰমাণপত্ৰ দেখুৱাব লাগিব। যিসকলৰ ওচৰত ক'ভিড-১৯ নিগেটিভ প্ৰতিবেদন নাই তেওঁলোকক পৰীক্ষা কৰা হ'ব।বিবাহ অনুষ্ঠানত ৫০ শতাংশ মানুহৰ সমাগমৰ বাবে দিয়া হৈছে আদেশ।মুখ্যমন্ত্ৰীয়ে লগতে জনাই যে শ্বিলং চহৰ আৰু আন সকলো জিলাত নিশা ১০ বজাৰ পৰা পুনৰ কাৰফিউ জাৰি কৰা হ'ব।