গুৱাহাটী, ১০ জানুৱাৰীঃ সোমবাৰে ৮২ বছৰত ভৰি দিয়া প্ৰবীণ গায়ক কে.জে. য়েচুদাসে কৰ্ণাটকৰ বিখ্যাত কল্লুৰ মুকাম্বিকা মন্দিৰত দ্বিতীয়বাৰৰ বাবে সেৱা আগবঢ়াব নোৱাৰিলে। ক'ভিড মহামাৰীৰ প্ৰাদুৰ্ভাৱৰ পিছৰে পৰা, প্ৰসিদ্ধ গায়কজন ডালাছত আছে আৰু সেয়েহে মন্দিৰত তেওঁৰ সংগীতৰ অনুষ্ঠানত অংশগ্ৰহণ কৰিবলৈ সক্ষম হোৱা নাই, যি প্ৰায় চাৰি দশক ধৰি চলি আহিছে। প্ৰতি বছৰে তেওঁৰ জন্মদিনত, তেওঁৰ পৰিয়ালে মন্দিৰত 'ভজন' গায়।

ইপিনে, মন্দিৰটো সংগীত আৰু কলা প্ৰদৰ্শনকাৰীসকলৰ মাজত এক অতি শ্ৰদ্ধাৰ স্থান হিচাপে গণ্য কৰা হয়। অৱশ্যে, তেওঁৰ পুৰণিকালৰ বন্ধু কে.ৰামচন্দ্ৰন মন্দিৰত উপস্থিত হৈছে আৰু কিংবদন্তি গায়কজনৰ কল্যাণৰ বাবে প্ৰাৰ্থনা কৰিছে। ইফালে, তেওঁৰ ৮২ তম জন্মদিন উপলক্ষে ৮২ জন গায়কে মন্দিৰত একত্ৰিত হ'ব আৰু জন্মদিন উদযাপন কৰিবলৈ গায়কজনৰ ৮২ টা গান পৰিৱেশন কৰিব। 

বিগত ছয় দশকজুৰি চলি অহা থকা সংগীতৰ কৰ্মজীৱনত, য়েচুদাসে আৰবী, লেটিন আৰু ৰাছিয়ানকে ধৰি ১৪ টাতকৈও অধিক ভাষাত ৮০,০০০ ৰো অধিক গান ৰেকৰ্ড কৰিছে। য়েচুদাসে, বিগত বছৰবোৰত, অভিলেখ গঢ়ি মুঠ ৮ টা ৰাষ্ট্ৰীয় বঁটা আৰু ২৫ টা ৰাজ্যিক বঁটা লাভ কৰিছে। লগতে গায়িক জনক পদ্মশ্ৰী, পদ্মভূষণ আৰু পদ্মবিভূষণ বঁটাৰেও বিভূষিত কৰা হৈছে।