লাহৰীঘাটত ১১ খনকৈ দোকান অগ্নিদগ্ধ

গুৱাহাটী, ১৫ জানুৱাৰীঃ শুকুৰবাৰে পুৱতি নিশা লাহৰীঘাটৰ গৰম বজাৰত সংঘটিত এক বিধ্বংসী অগ্নিকাণ্ডত প্ৰায় ১১ খন দোকান আৰু কোটি টকাৰ সম্পত্তি ভস্মীভূত হয়। অগ্নিৰ সূত্ৰপাত এখন দৰ্জীৰ দোকানত শ্বৰ্ট চাৰ্কিটৰ পৰা হোৱা বুলি সন্দেহ কৰা হৈছে, যি পিছত গোটেই বজাৰখনতে বিয়পি পৰে। জুই এখন দোকানৰ পৰা আনখনলৈ বিয়পি পৰিছিল যদিও স্থানীয় লোকসকল সতৰ্ক হৈ নথকাৰ বাবে  জুই অধিক বিয়পি পৰাটো বাধা দিয়াত তেওঁলোক ব্যৰ্থ হয়। 

স্থানীয় লোকে জানিবলৈ দিয়া অনুসৰি, অগ্নি নিৰ্বাপক বাহিনী কিছু সময় আগতে আহি পালে জুই নিয়ন্ত্ৰণ কৰিব পৰা গ'ল হয়। বৰ্তমান এই অগ্নিকাণ্ডত আনুমানিক ১ ৰ পৰা ১.৫ কোটি টকাৰ সম্পত্তি অগ্নিদগ্ধ হোৱা বুলি জানিব পৰা গৈছে।