সন্ধিয়া হ'লেই মানুহৰ বাবে ত্ৰাসৰ কাৰণ হৈ পৰে ভাৰতবৰ্ষৰ এই ৫ টা ৰে'লৱে ষ্টেশ্যন

গুৱাহাটী,১৬ জানুৱাৰী:ভাৰতৰ ৰে'লৱে মন্ত্ৰণালয়ৰ প্ৰকাশ কৰা মতে সমগ্ৰ দেশত থকা মুঠ ৰে'লৱে ষ্টেচনৰ সংখ্যা হৈছে ৭৩৪৯ টা, যাৰ ভিতৰত আছে সকলো মুখ্য আৰু ক্ষুদ্ৰ ৰে'লৱে ষ্টেচন। ইয়াৰ উপৰিও, দেশৰ আন বহুতো অঞ্চলত ৰে'লৱে ষ্টেচন নিৰ্মাণৰ পৰিকল্পনা চলি আছে।দেশৰ মুঠ ৭৩৪৯ টা ৰে'ল ষ্টেচনৰ কিছুমান ৰে'লৱে ষ্টেচন আছে যিবোৰক অত্যন্ত ভয়ানক বা অলৌকিক বুলি কোৱা হয়। আজি আমি আপোনাক দেশৰ তেনে ৫ টা আটাইতকৈ ভয়ানক ৰে'লৱে ষ্টেচনৰ বিষয়ে ক'বলৈ ওলাইছোঁ। 

১. বেগুনকোডাৰ ৰে'লৱে ষ্টেচন,পশ্চিমবংগ

পশ্চিম বংগৰ পুৰুলিয়া জিলাৰ বেগুনকোডাৰ ৰে'লৱে ষ্টেচনৰ নিজা এটা ভয়ংকৰ কাহিনী আছে। ইয়াক কেৱল ভাৰতবৰ্ষৰেই নহয়ে বিশ্বৰ আটাইতকৈ ভয়ংকৰ ৰে'লৱে ষ্টেচনৰ ভিতৰত এটা বুলি গণ্য কৰা হয়। বেগুনকোডাৰ ৰে'লৱে ষ্টেচনত যাত্ৰীসকলে বগা শাৰী পিন্ধা এগৰাকী ছোৱালীৰ আত্মা দেখে,ছোৱালী গৰাকীয়ে ৰে'ল অহাৰ লগে লগে আগত দৌৰি থাকে আৰু যিয়ে তাইক দেখে তেওঁৰেই মৃত্যু হয় বুলি জনকথা আছে। ইয়াৰ ফলশ্ৰুতিত বিগত ৪২ বছৰে কৰ্মচাৰী আহিবলৈ ভয় কৰাৰ বাবে এই ৰে'লৱে ষ্টেচনটো বন্ধ কৰি দিয়া হৈছিল। অৱশ্যে, ইয়াক পুনৰ ২০০৯ চনত সেৱাসমূহৰ বাবে মুকলি কৰা হৈছিল কিন্তু বিয়লি পাঁচ বজাৰ পিছত ইয়াত কোনো মানুহ নাথাকে আৰু ৰে'লবোৰো নৰখে। 

২. বড়োগ ৰে'লৱে ষ্টেচন,হিমাচল প্ৰদেশ

হিমাচল প্ৰদেশৰ চোলান জিলাৰ বড়োগ ৰে'লৱে ষ্টেচনটো দেশৰ অন্যতম ভয়ংকৰ ৰে'ল ষ্টেচন। কালকা-চিমলা ৰে'ল পথৰ এই সৰু ৰে'লৱে ষ্টেচনটো দেখাত যিমান ধুনীয়া,সিমানেই ই ভয়ানক আৰু অলৌকিক। এই ৰে'লৱে ষ্টেচনৰ ঠিক কাষতে এটা সুৰংগ আছে, ইয়াক বড়োগ সুৰংগ বুলি কোৱা হয়। দৰাচলতে, সুৰংগটো কৰ্ণেল বড়োগ নামৰ এজন ব্ৰিটিছ অভিযন্তাই নিৰ্মাণ কৰিছিল। পিছত তেওঁ তাত আত্মহত্যা কৰিছিল। কৰ্ণেল বড়োগৰ আত্মাই বড়োগ সুৰংগত ঘূৰি ফুৰে বুলি কোৱা হয় আৰু ৰে'ল আহিলেই প্ৰায়ে চিঞৰ শুনা যায় ।

৩. চিত্তুৰ ৰে'লৱে ষ্টেচন,অন্ধ্ৰ প্ৰদেশ

দেশৰ আটাইতকৈ ভয়ংকৰ ৰে'লৱে ষ্টেচনৰ তালিকাত অন্ধ্ৰ প্ৰদেশৰ চিত্তুৰ জিলাত অৱস্থিত চিত্তুৰ ৰে'লৱে ষ্টেচনৰ নামো অন্তৰ্ভুক্ত আছে। ষ্টেচনৰ চাৰিওফালে বাস কৰা লোকসকলে কৈছিল যে এবাৰ এজন চিআৰপিএফ জোৱান হৰি সিঙে এই ষ্টেচনত ৰে'লৰ পৰা নামিছিল। ৰে'লৰ পৰা নামি যোৱাৰ পিছত, তেওঁক আৰপিএফ আৰু টিটিইয়ে ইমান প্ৰহাৰ কৰিছিল যে তেওঁৰ মৃত্যু হৈছিল। তেতিয়াৰ পৰা, চিআৰপিএফ জোৱান হৰি সিঙৰ আত্মাই ন্যায়ৰ বাবে এই ৰে'লৱে ষ্টেচনত ভ্ৰমণ কৰি আছে।

৪. মুলুন্দ ৰে'লৱে ষ্টেচন,মহাৰাষ্ট্ৰ

মহাৰাষ্ট্ৰৰ ৰাজধানী মুম্বাইৰ মুলুন্দ ৰে'লৱেষ্টেচনক দেশৰ অন্য এটা অলৌকিক ৰে'ল ষ্টেচনৰ ভিতৰত এটা বুলি গণ্য কৰা হয়। এই ৰে'ল ষ্টেচনত উপস্থিত হোৱা যাত্ৰী সকল আৰু ওচৰত বাস কৰা লোকসকলে দাবী কৰে যে তেওঁলোকে ইয়াত মানুহৰ চিঞৰ-বাখৰ আৰু কান্দোন শুনিছে। তেওঁলোকে কয় যে এই কণ্ঠস্বৰ সমূহ সেইসকল লোকৰ যিসকলে এই ৰে'লৱে ষ্টেচনটো অতিক্ৰম কৰাৰ সময়ত দুৰ্ঘটনাত পতিত হৈছিল বা আত্মহত্যা কৰিছিল।

৫. নৈনি ৰে'লৱে ষ্টেচন,উত্তৰ প্ৰদেশ

উত্তৰ প্ৰদেশৰ প্ৰয়াগৰাজৰ নয়নী জংচন ৰে'লৱে ষ্টেচনটোক ভয়ানক কাহিনীৰ বাবে অন্যতম। ৰে'লৱে ষ্টেচনৰ ওচৰত নৈনি কাৰাগাৰও আছে। কাৰাগাৰখন কেইবাজনো স্বাধীনতা সংগ্ৰামীক কাৰাৰুদ্ধ কৰি ৰাখিছিল যিয়ে দেশৰ স্বাধীনতাত গুৰুত্বপূৰ্ণ অৱদান আগবঢ়াইছিল,তেওঁলোকে বিভিন্ন ধৰণৰ ভয়ংকৰ অত্যাচাৰৰ সন্মুখীন হৈছিল। তাৰ পিছত কাৰাগাৰত থকা বহুতো স্বাধীনতা সংগ্ৰামীক অত্যাচাৰৰ বাবে হত্যা কৰা হৈছিল। কোৱা হয় যে এইকেইজন স্বাধীনতা সংগ্ৰামীৰ আত্মাই এই ৰে'লৱে ষ্টেচনৰ চাৰিওফালে ঘূৰি ফুৰে।