ভাৰতীয় ৰে'লৰ দুৱাৰৰ ওচৰত থকা খিৰিকী দুখন বেলেগকৈ ৰখাৰ আছে এক আকৰ্ষণীয় কাৰণ

গুৱাহাটী, ১৮ জানুৱাৰীঃ ভাৰতীয় ৰে'লৱে এছিয়াৰ দ্বিতীয় সৰ্ববৃহৎ ৰেল নেটৱৰ্ক আৰু বিশ্বৰ চতুৰ্থ সৰ্ববৃহৎ ৰে'ল সেৱা। প্ৰতিদিনে প্ৰায় ১০ কোটি মানুহে ভাৰতত ৰে'লযোগে ভ্ৰমণ কৰে। যদি কোনো লোকে কেতিয়াবা ৰে'লত ভ্ৰমণ কৰে, তেন্তে তেওঁ নিশ্চয় মন কৰিছে চাগে, যে ৰে'লৰ ডবাত দুৱাৰৰ ওচৰৰ খিৰিকী দুখন আন সকলো খিৰিকীতকৈ পৃথকৈ তৈয়াৰ কৰা হয়। ৰে'লখনৰ এচি ক'চৰ বাহিৰে, সকলো স্লিপাৰ আৰু সাধাৰণ শ্ৰেণীৰ ডবাৰ খিৰিকীত লোহাৰ ৰ'ড লগোৱা আছে, কিন্তু দুৱাৰৰ ওচৰৰ খিৰিকীত স্বাভাৱিকতকৈ অধিক ৰ'ড থাকে। ইয়াৰ আঁৰত এটা বিশেষ কাৰণ আছে।

প্ৰকৃততে, দুৱাৰৰ ওচৰৰ খিৰিকীত চুৰি হোৱাৰ আশংকা সৰ্বাধিক। পূৰ্বতে চোৰে প্ৰায়ে এই খিৰিকীবোৰত হাত সুমৱাই সামগ্ৰী চুৰি কৰিছিল। কাৰণ এই খিৰিকীবোৰ দুৱাৰত উঠিয়ে লগ পায়। যেতিয়া সকলো যাত্ৰী শুই থাকে, চোৰে এই খিৰিকীবোৰৰ মাজেৰে সহজে সামগ্ৰী চুৰি কৰিব পাৰে। 

এই সমস্যাৰ পৰা পৰিত্ৰাণ পাবলৈ, এই খিৰিকীবোৰত স্বাভাৱিকতকৈ অধিক লোহাৰ ৰ'ড লগোৱা হৈছিল। অধিক ৰ'ড থকাৰ বাবে ইয়াৰ মাজত থকা ব্যৱধানবোৰ ইমান সৰু হৈ পৰিছিল যে কোনে চোৰে বহু প্ৰচেষ্টা কৰিও খিৰিকীৰে হাত সুমুৱাব নোৱাৰে। ইয়াৰ লগতে, এইটো মন কৰা হয় যাতে চোৰে ৰাতি ৰে'লখন কৰবাত ৰখালে খিৰিকীৰ মাজেৰে হাত সুমুৱাই বাহিৰৰ পৰা বন্ধ কৰি থোৱা দুৱাৰ খন খুলিব নোৱাৰে।

ৰে'ল বিষয়াসকলৰ মতে, আগতে ৰে'লখনৰ দুৱাৰৰ কাষত থকা খিৰিকী বাকী খিৰিকীবোৰৰ দৰে একে আছিল। কিন্তু ৰে'লৱেই অভিযোগ পাইছিল যে চোৰে দুৱাৰৰ ওচৰত থিয় হয় আৰু ৰে'লখন চলিবলৈ আৰম্ভ কৰাৰ লগে লগে খিৰিকীৰ মাজেৰে হাত সুমুৱাই মহিলাৰ গহনা বা মূল্যৱান সামগ্ৰী চুৰি কৰি পলাই গৈছিল। তাৰ পিছতহে ৰে'লৱেই নিৰাপত্তাৰ দিশটোৰ প্ৰতি লক্ষ্য ৰাখি দুৱাৰৰ ওচৰৰ খিৰিকীত অধিক সংখ্যক লোহাৰ ৰ'ড সংলগ্ন কৰি ব্যৱধানবোৰ অতি ঘন কৰি তুলিছিল।