কুকুৰে জঁপিয়াই আত্মহত্যা কৰা এক ৰহস্যময় স্থান

গুৱাহাটী, ১৮ জানুৱাৰীঃ প্ৰতি বছৰে লাখ লাখ মানুহে আত্মহত্যা কৰে। সাধাৰণতে, মানসিক চাপ বা বিত্তীয় বাধ্যবাধকতা ইয়াৰ কাৰণ বুলি গণ্য কৰা হয়। কিন্তু কোনো মানুহে হয়টো জন্তুৰ আত্মহত্যাৰ বিষয়ে শুনা নাই, বিশেষকৈ পোহনীয়া জন্তু। কিন্তু পৃথিৱীত এনে এক স্থান আছে য'ত পোহনীয়া জন্তু বিশেষকৈ কুকুৰে সন্দেহজনকভাৱে জপিয়াই মৃত্যুক সাৱতি লয়। সকলোৱে হয়টো নিশ্চয় ভাবিবলৈ বাধ্য হ'ব যে কুকুৰে কিয় আত্মহত্যা কৰিব। কিন্তু এই স্থানত কুকুৰবোৰে নিজেই আহি আনকি দলঙৰ পৰা জঁপিয়াই পৰি মৃত্যুবৰণ কৰে। 

প্ৰকৃততে, এই স্থানটি হৈছে স্কটলেণ্ডৰ এখন দলং, য'ত কুকুৰবোৰে দলঙৰ পৰা জঁপিয়াই আত্মহত্যা কৰে আৰু আত্মহত্যা কৰিবলৈ ইয়াত উপস্থিত হয়। মানুহে কোৱা অনুসৰি এই দলংখনৰ উচ্চতা প্ৰায় ৫০ ফুট। বৰ্তমানৰ দিনলৈকে এই দলঙৰ পৰা শতাধিক কুকুৰে জঁপিয়াই পৰিছে, যাৰ ভিতৰত ৫০ টা কুকুৰৰ মৃত্যু হৈছে।

এক বিশেষ প্ৰতিবেদনত প্ৰকাশিত তথ্য অনুসৰি, আজিৰ দিনলৈ কোনেও ইয়াৰ আঁৰৰ ৰহস্য উন্মোচিত কৰিব পৰা নাই, কোনেও জানিব পৰা নাই যে কুকুৰবোৰে এই ঠাইলৈ অহাৰ পিছত কিয় নিজে জঁপিয়াই পৰে? যেতিয়া এই দলংখনত এনে ঘটনা বৃদ্ধি হ'বলৈ আৰম্ভ হৈছিল, তেতিয়া এই দলংখনত এখন জাননী ব'ৰ্ডও স্থাপন কৰা হৈছিল।

একে সময়তে, কিছুমান লোকে বিশ্বাস কৰে যে এই সকলো বোৰ ঘটনাৰ আঁৰত কোনো অপশক্তি জড়িত হৈ আছে। লগতে বিশ্বাস কৰা হয় যে আজিও হোৱাইট লেডী নামৰ এগৰাকী মহিলাৰ আত্মাই এই দলংখনত ঘূৰি ফুৰে। অধ্যাপক পল অ'ৱেন্সে এই বিষয়টো অনুসন্ধান কৰাৰ পিছত তেওঁৰ অভিজ্ঞতা ভাগ বতৰা কৰাৰ সময়ত এক আচৰিত তথ্য প্ৰকাশ কৰিছিল। তেওঁ বিশ্ববাসীক উদ্দেশ্যি কৈছিল যে, "এবাৰ যেতিয়া মই দলঙৰ ওপৰত থিয় হৈ তললৈ চাই আছিলোঁ, তেতিয়া মই অনুভৱ কৰিছিলো যে কোনোবাই মোক পিছফালৰ পৰা স্পৰ্শ কৰি আছে। আজিও, এই দলংখন সাঁথৰ হিচাপে মানুহৰ সন্মুখত থিয় হৈ আছে। একে সময়তে, কুকুৰৰ আত্মহত্যাৰ ৰহস্য আজিলৈকে সমাধান হোৱা নাই।"