এগৰাকী ব্যক্তি, যি কেৱল শাৰীত থিয় হোৱাৰ বাবে লাভ কৰে ধন; দৈনিক উপাৰ্জন শুনি সকলোৱে হৈ পৰিছে আচৰিত

গুৱাহাটী, ১৭ জানুৱাৰীঃ কোনোবাই কেতিয়াবা ভাবিছে নে যে এজন ব্যক্তি শাৰীত থিয় হোৱাৰ বাবে ধন লাভ কৰিব পাৰে! প্ৰায়ে মানুহে বিভিন্ন কাৰণত বহুপৰ শাৰীত থিয় হ'ব লগা হয়। এনে পৰিস্থিতিত, শাৰীত থিয় হৈ মানুহে ভাগৰি পৰে আৰু সকলোৰে মনলৈ হয়টো এইটো চিন্তা নিশ্চয় আহে যে কোনো আন মানুহে যদিহে এই শাৰীত থিয় দি থাকিল হয়! ঠিক তেনে এক আচৰিত কৰা খবৰ আপুনি লণ্ডনৰ ফুলহাম চহৰত ঘটিছে, য'ত এজন ব্যক্তিয়ে আনৰ বাবে শাৰী পাতিছে, কিন্তু তেওঁ এই কামটো বিনামূলীয়াকৈ নকৰে। তাৰ পৰিৱৰ্তে, তেওঁ ধন লয়।

এঘণ্টাত শাৰী পাতি থকাৰ পৰিৱৰ্তে, মানুহজনে ২০ পাউণ্ড (অৰ্থাৎ প্ৰায় ২ হাজাৰ টকা) মাচুল হিচাপে লয়। ৩১ বছৰীয়া ফ্ৰেডি বেকিট নামৰ শাৰী পতা মানুহজনে এই বিষয় সন্দৰ্ভত কয়, "মই এদিনত এনেদৰে বেলেগৰ বাবে শাৰী পাতি ১৬০ পাউণ্ড (১৬ হাজাৰ টকাতকৈ অধিক) উপাৰ্জন কৰো।" অৰ্থাৎ, এদিনৰ বাবে ফ্ৰেডিৰ উপাৰ্জনৰ পৰা অনুমান কৰিব পৰা যায় যে তেওঁ এমাহত কিমান ধন উপাৰ্জন কৰে! ফ্ৰেডিৰ দৰমহা এজন সাধাৰণ মানুহৰ দৰমহাতকৈ অধিক।

বহুলোকে ধন উপাৰ্জনৰ সন্ধানত বহু বছৰ অতিবাহিত কৰে, কিন্তু বহুলোকে চতুৰতাৰে তেওঁলোকৰ মগজু ব্যৱহাৰ কৰি ধন উপাৰ্জনৰ বাবে এনে উপায় বিচাৰে, যাৰ দ্বাৰা তেওঁ সোনকালে ধনী হ'ব পাৰে। বৰ্তমান লণ্ডনৰ ফ্ৰেডিও সেই লোকসকলৰ মাজৰ এজন। ফ্ৰেডীয়ে যোৱা ৩ বছৰ ধৰি বেলেগৰ বাবে শাৰী পতা কাম কৰি আছে আৰু বহুত টকাও উপাৰ্জন কৰি আছে। 

ফ্ৰেডিয়ে আৰু লগতে কৈছিল যে, "মানুহে মোক কেৱল জনপ্ৰিয় বস্তুৰ ক্ৰয় কৰিবৰ বাবে শাৰী পাতিবলৈ নিয়োগ কৰে, যেনে সংগীত অনুষ্ঠানৰ টিকট ক্ৰয় কৰিবলৈ শাৰীত থিয় হোৱা বা সংগ্ৰহালয়ৰ প্ৰদৰ্শনীৰ টিকট সংগ্রহ কৰিবলৈ। ইয়াৰ বাবে মানুহে মোক। মাচুল দিয়ে। এবাৰ এজন বৃদ্ধ ব্যক্তিয়ে মোক ভি এ ণ্ড সংগ্ৰহালয়ৰ টিকট কিনিবলৈ ধন দিছিল। তেতিয়া আন কিছুমান জ্যেষ্ঠ লোকেও মেক টিকট ক্ৰয় কৰিবলৈ ধন আগবঢ়াইছিল। মই ৩ ঘণ্টা শাৰীত অপেক্ষা কৰি টিকট লৈছিলো, যাৰ বিনিময়ত মই বৃহৎ পৰিমাণৰ ধন লাভ কৰিছিলোঁ।"