ৰাজ্যত দ্ৰুতগতিত বাঢ়িছে কৰ'নাত আক্ৰান্তৰ সংখ্যা,২৪ ঘন্টাত আক্ৰান্ত ৮৩৩৯ গৰাকী লোক

গুৱাহাটী,২০ জানুৱাৰী:ৰাজ্যত দ্ৰুতগতিত বাঢ়িছে কৰ'নাত আক্ৰান্তৰ সংখ্যা৷ যোৱা ২৪ ঘন্টাত ৰাজ্যত ৬৯৬৯৯ টা পৰীক্ষা সম্পাদন কৰাৰ পিছত নতুনকৈ ৮৩৩৯গৰাকী লোক ক'ভিড–১৯ত আক্ৰান্ত হোৱা বুলি ধৰাত পৰিছে ৷

ইয়াৰে ১৯২৯জন কামৰূপ মেট্ৰ’ৰ, ৫১৩জন ডিব্ৰুগড়ৰ, ৪১৪জন যোৰহাটৰ আৰু ৩৯৬জন কাছাৰৰ।বুধবাৰৰ দিনটোত আক্ৰান্তৰ গড় হৈছে ১২.৮৯ শতাংশ।

আনহাতে,বুধবাৰৰ দিনটোত মৃত্যু হৈছে ১৫ জন ব্যক্তিৰ৷ উল্লেখযোগ্য যে বুধবাৰৰ দিনটোত ৰাজ্যত সুস্থ হৈছে ২৭২৩জন লোক।ৰাজ্যত সুস্থৰ হাৰ ৯৩.৬২ শতাংশ।ৰাজ্যত এতিয়াও চিকিৎসাধীন হৈ আছে ৩৫১৬১জন ৰোগী।